ராஜஸ்தானின் கோட்டாவிலுள்ள வட இந்திய கைத்தொழில் பேட்டைக்குச் சொந்தமான போக்குவரத்துப் பாலம் திடீரென இடிந்து விழுந்ததில் 45 பேர் இறந்திருக்கலாம் எனவும் மேலும் 50 தொழிலாளர்கள் காணாமல் போயுள்ளார்கள் எனவும் அஞ்சப்படுகிறது.

தென்கொரியாவின் ஹையுண்டி எஞ்சினியரிங் மற்றும் இந்தியாவின் சர்வதேச ஹைவே கழகம் ஆகிய நிறுவனங்களூடாக 2007ம் ஆண்டிலிருந்தே கட்டப்பட்டு வரும் இப்பாலம் ஏன் திடீரென உடைந்து வீழ்ந்தது என இன்னமும் தெரியவில்லை.

பாலத்துக்குக் கீழே அகப்பட்ட பொதுமக்களையும் சம்பால் நதியில் வீழ்ந்துள்ள உடல்களையும் மீட்பதற்கு மீட்புப் பணியாளர்கள் கடுமையாகப் போராடியுள்ளனர்.  இதேவேளை இப்பாலத்தின் எஞ்சியுள்ள பகுதிகளும் இடிந்து விழும் அபாயத்தில் இருப்பதால் தற்காலிகமாக மீட்புப் பணி நிறுத்தி வைக்கப்பட்டிருப்பதுடன் எஞ்சியுள்ள பாலத்தை இடிப்பதா வேணாமா எனவும் ஆலோசித்து வருகின்றனர்.

இந்நிலையில் இவ்விபத்து தொடர்பாக கேமன் இந்தியா உட்பட இரு தனியார் கட்டுமான நிறுவனங்களைச் சேர்ந்த அதிகாரிகள் கைது செய்யப்பட்டுள்ளனர். மேலும் இச்சம்பவம் நடைபெற்ற இடத்தைப் பார்வையிட்ட மத்திய தரைவழிப் போக்குவரத்து இணையமைச்சர் மஹாதேவ்சிங் கண்டேலா கூறுகையில் பாலம் கட்டும் பணி திட்டமிட்டதை விட ஓராண்டு பிந்தங்கிய நிலையில் நடைபெற்று வந்ததால் அதைக் கட்டி முடிக்க சம்பந்தப்பட்ட கம்பெனிகள் வேகம் காட்டி வந்தன எனவும் மேலதிகமாக கம்பெனிப் பட்டியலில் குறிப்பிடப்படாத தொழிலாளர்களும் வேலை பார்த்து வந்துள்ளனர் எனவும் கூறியுள்ளனர்.

உங்கள் கருத்துக்கள்

தங்கிலிஷ் Tamil Typewritter Tamil 99
ஒன்லைன் Keymap உதவி
(ஆங்கிலத்தில் கருத்துரைக்க F12 விசையை அழுத்துங்கள்.
Use F12 to toggle between English & Unicode Tamil)
பெயர் *
Email (உங்களின் தொடர்புக்கு)
இக்குறிச் சொல்லை எழுதுங்கள்   

Submit Comment