தமிழகத்தில் பல்வேறு கட்சிகளின் கோரிக்கைகளை ஏற்று பென்னாகரம் தொகுதி இடைத்தேர்தல் தேதியை தேர்தல் ஆணையம் ஒத்திவைத்துள்ளது.

தி.மு.க.வை சேர்ந்த பென்னாகரம் சட்டமன்ற உறுப்பினர் பெரியண்ணன், கடந்த சில தினங்களக்கு முன்பு மரணம் அடைந்தார்.

இதைத் தொடர்ந்து, வரும் ஜனவரி 20 ம் தேதி பென்னாகரம் தொகுதிக்கு இடைத்தேர்தல் நடத்தப்படும் என்று தேர்தல் ஆணையம் அறித்தது.

தமிழர் திருநாளான பொங்கல் பண்டிகை மற்றும் பல்வேறு காரணங்களால், தேர்தல் பணிகளில் ஈடுபடுவது சிரமம் என்று அ.தி.மு.க, பா.ம.க, ம.தி.மு.க மற்றும் இந்திய கம்யூனிஸ்டு உள்பட பல அரசியல் கட்சிகள், பென்னாகரம் இடைத்தேர்தலை தள்ளிவைக்க வேண்டும் என்று இந்திய தேர்தல் ஆணையத்துக்கு கோரிக்கை விடுத்தன.

இதனால், தமிழகத்தைச் சேர்ந்த 7 தேசிய கட்சிகள் மற்றும் 4 மாநில கட்சிகள் ஆகிய 11 அரசியல் கட்சிகளுடன், பென்னாகரம் தேர்தல் தொடர்பாக விவாதிக்கும் வகையில் ஒரு அவசர கூட்டத்தை நடத்த இந்திய தேர்தல் ஆணையம் உத்தரவிட்டது.

இதன்படி, தலைமை தேர்தல் அதிகாரி நரேஷ் குப்தா தலைமையில், சென்னை தலைமைச் செயலகத்தில் ஒரு ஆலோசனைக் கூட்டம் நடைபெற்றது. இதில், காங்கிரஸ், பா.ஜ.க, தேசியவாத காங்கிரஸ், ராஷ்ட்ரீய ஜனதா தளம், பகுஜன் சமாஜ் கட்சி, மார்க்சிஸ்ட், இந்திய கம்யூனிஸ்ட் ஆகிய அங்கீகரிக்கப்பட்ட 7 தேசிய கட்சிகள் மற்றும் தி.மு.க, அ.தி.மு.க, ம.தி.மு.க, பா.ம.க ஆகிய 4 அங்கீகரிக்கப்பட்ட மாநில கட்சிகளின் பிரதிநிதிகளுடன் நரேஷ்குப்தா ஆலோசனை நடத்தினார்.

இந்த கூட்டத்தில், விவாதிக்கப்பட்ட விஷயங்களை அறிக்கையாக அனுப்பவேண்டும் என்றும் நரேஷ்குப்தாவுக்கு இந்திய தேர்தல் ஆணையம் உத்தரவிட்டது. இதனால், அவர் விரிவான அறிக்கை அனுப்பி வைத்தார்.

இதனையடு்த்து, பென்னாகரம் தொகுதி இடைத்தேர்தல் தேதியை தேர்தல் ஆணையம் ஒத்திவைத்துள்ளது.

உங்கள் கருத்துக்கள்

தங்கிலிஷ் Tamil Typewritter Tamil 99
ஒன்லைன் Keymap உதவி
(ஆங்கிலத்தில் கருத்துரைக்க F12 விசையை அழுத்துங்கள்.
Use F12 to toggle between English & Unicode Tamil)
பெயர் *
Email (உங்களின் தொடர்புக்கு)
இக்குறிச் சொல்லை எழுதுங்கள்   

Submit Comment