40 லட்ச ரூபாய் மோசடி செய்த நைஜீரிய வாலிபர்கள் கைது !

சினிமா கேலரி

நண்பர்கள்!

பேஸ்புக் நண்பர்

டுவிட்டர்

40 லட்ச ரூபாய் மோசடி செய்த நைஜீரிய வாலிபர்கள் கைது !

Written by editor

Wednesday, 30 December 2009 18:13

தென்னாப்ரிக்காவில் இருந்து மரம் வாங்கித் தருவதாகக் கூறி, திருச்சி மரவியாபாரியிடம், 40 லட்சம் ரூபாய் மோசடி செய்த நைஜீரிய வாலிபர்களை போலீசார் கைது செய்தனர்.

திருச்சியைச் சேர்ந்த ஜெகதாலால் பட்டேல் மர வியாபாரம் செய்து வருகின்றார். இவரை இரண்டு மாதங்களுக்கு முன், நைஜீரியாவைச் சேர்ந்த டோனி என்கிற அப்துல்காசிம் (37), வில்லியம் இம்மானுவெல் (40) என்ற இரு வாலிபர்கள் சந்தித்து, தென்னாப்ரிக்காவில் இருந்து விலை உயர்ந்த மரங்களை, குறைந்த விலைக்கு பெற்றுத் தருவதாக கூறியுளளனர்.

மேலும், ஜெகதாலால் ஒரு கோடி ரூபாய் மதிப்புள்ள மரம் கேட்டு, அதற்கு 40 லட்சம் ரூபாயை முன்பணமாக கொடுத்தார். பணம் கொடுத்து, பல நாட்களாகியும் மரம் வராததால், சந்தேகமடைந்த ஜெகதாலால், அந்த இளைஞர்களை தொடர்பு கொண்டு கேட்ட போது அவர்களிடமிருந்து சரியான பதில் கிடைக்கவில்லை.

இதனையடுத்து, நைஜீரிய வாலிபர்கள் இருவரும் ஜெகதாலாலுடனான தொடர்பை துண்டித்து கொண்டனர்.

இதனால் தான் ஏமாற்றப்பட்டதை உணர்ந்த ஜெகதாலால், இது குறி்த்து போலீசில் புகார் செய்தார்.

போலீசார் விசாரணையில், நைஜீரிய வாலிபர்கள் இருவரும், மும்பை அருகே தானே நகரில் வசித்து வருவது தெரிய வந்தது.

இதனையடுத்து, தானே சென்ற தனிப்படை போலீசார், டோனியையும், அவருடன் தங்கியிருந்த ஓசாசி ஓடிசியா (35) என்பவரையும் கைது செய்தனர்.

இந்த வழக்கில் சம்பந்தப்பட்ட வில்லியம் இம்மானுவெல் என்பவர் தலைமறைவாகி விட்டார்.