55 வது பிறந்தநாளை கொண்டாடும் பத்மசிறீ கமலஹாசன்

சினிமா கேலரி

நண்பர்கள்!

பேஸ்புக் நண்பர்

டுவிட்டர்

55 வது பிறந்தநாளை கொண்டாடும் பத்மசிறீ கமலஹாசன்

Written by Sara

Saturday, 07 November 2009 15:47

உலகநாயகன் பத்மசிறீ கமலஹாசன் இன்று தனது 55 வது பிறந்தநாளை கொண்டாடுகிறார். 1954 ம் ஆண்டு நொவெம்பர் 7 ம் திகதி, பரமக்குடியில் பிறந்த கமலஹாசன் தனது 5 வயதில் களத்தூர் கண்ணம்மா மூலம் கலைப்பயணத்தை துவக்கி இந்த வருடம், கலையுலகில் 50 வருட பொன்விழாவை கொண்டாடியிருக்கிறார். அவருக்கு நாமும் எமது அன்பான பிறந்த நாள் வாழ்த்துக்களை தெரிவித்துக்கொள்வோம்.

நல்ல தரமான தமிழ் சினிமாவை உலகதரத்திற்கு எடுத்துச்செல்ல வேண்டும் என்ற முயற்சிகள் ஒரு புறம்.தரமானவையாக இருந்தும் ரசிகர்களின் மனதைக்கவரும் விதத்தில் அமைப்பது எப்படி என்ற முயற்சிகள் மறு புறமாக கமல் இது வரை எடுத்துக்கொண்ட படைப்புக்களில் பெரும்பான்மையானவை வெற்றி பெற்றிருப்பது குறிப்பிடத்தக்கது.

இறுதியாக கமல் நடித்து வெளிவந்த தசாவதாரம், உன்னைப்போல் ஒருவன் ஆகிய திரைப்படங்களும் தமிழ் சினிமாவை புதிய தரத்திற்கு உயர்த்த எடுத்துக்கொள்ளப்பட்ட வித்தியாசமான முயற்சிகளாகவும் பதியப்பட்டன.

கமல்ஹாசன் சிறுபிள்ளையாக இருந்த போது, அவரது வீட்டுக்கு வந்து செல்லும் விருந்தாளிகளை உன்னிப்பாக கவனித்துக்கொள்வாராம். பின்னர் அவர்கள் சென்ற பின்னர், அவர்களை போலவே நடித்துக்காட்டுவாராம்.

அப்போது இருந்தே கமலின் இந்தப்பழக்கம், அவருடைய நடிப்புத்திறனையும் வளர்த்து விட்டதாக அவரது தந்தையார் பரமக்குடி சீனிவான், 1983 ம் ஆண்டு, ஆனந்தவிகடனில் வெளிவந்த செவ்வி ஒன்றில் தெரிவித்திருந்தார்.

தான் 20,21 வயதில் நடிப்புத்துறைக்கு காலடி எடுத்து வைத்த போது, தான் கனவுப்பட்டியலில் போட்டு வைத்திருந்த முதல் மூன்று படிகளை கூட தன்னால் இன்னமும் நிறைவேற்ற முடியவில்லையாம் என, கலையுலகில் தனது 50 வது பொன்விழாவில் தெரிவித்திருந்தார் கமல்.

இமாலய சாதனைகள் புரிந்த பின்னரும் ஓய்வின்றி, இன்னும் சாதிக்க நிறையவே இருக்கிறதென புறப்படும் கமலுக்கு, அவருடைய எதிர்கால முயற்சிகளும் வெற்றி பெற நாமும் பிரார்த்திப்போம்!

கமலின் பிறந்த நாளை முன்னிட்டு, பகுத்தறிவாளனாக இருந்த போதும், கமல் நடித்து அவருக்கே மிக பிடித்த பாடல் ஒன்றையும் சேர்த்து 'பாட்டு கேட்கலாம் வாங்க' நிகழ்ச்சியில ஒளிபரப்பாக்கியிருக்கிறோம்!

மறக்காமல் கேளுங்க...!