மக்களுக்கு ஞானஒளி தந்தார். "சமத்துவம்மிக்க சாந்தமான அன்பு கொண்டு வாழுங்கள்" எனக் கூறினார். "தட்டுங்கள் திறக்கப்படும்,கேளுங்கள் கொடுக்கப்படும்" என்றார். நல் மனதைத் திறந்து நியாயமான கோரிக்கையாக எதைக் கேட்டாலும் அது இறைவனால் எமக்கு வழங்கப்படும். இதை கிறிஸ்தவ மதம் கூறுகிறது. அதனால் இன்றும் ஏசு பிறந்த நாளை கிறிஸ்மஸ் பண்டிகையாக கொண்டாடி மகிழ்வர். அடுத்ததாக, பகவான் கண்ணன், கீதை வழி கூறுகிறார்:

"எதை இழந்தாய் அது வீணாகுவதற்கு, எதை கொண்டு வந்தாய் அதை கொண்டு செல்வதற்கு, எல்லாம் இங்கிருந்தே பெறப்பட்டது, ஆக எதுவும் உன் கையில் இல்லை, பலனை எதிர் பாராது கடமையைச் செய் நன்மையில் முடியும்" என்கிறார்.

மார்கழி மாதம் மதிநிறைந்த நன்னாள் என்பர். மார்கழி மாத அதிகாலைப் பொழுது தேவர்களுக்கும் மூவர்களுக்கும் விடியற்காலம் ஆகும். அதை உத்தராயணம், தெட்சணாயணம் என்பர் அதாவது இரு காலங்களாக எமது வருடத்தின் முதல் ஆறு மாதங்களையும், தை முதல் ஆனி வரை உத்தாராயணம் என்றும், பின் உள்ள ஆறு மாதங்களையும் ஆடி முதல் மார்கழி வரை தெட்சணாயணம் என்றும் கூறுவார்கள்.இறை வழிபாட்டுக்கு ஏற்ற தெட்சணாயணம் காலத்தில் மார்கழி மாதத்தில் வரும் ஒவ்வொரு நாளும் அதி சிறந்த நாட்கள். கார்த்திகை மாத பெளர்ணமி, திருக்கார்த்திகை தீபம், முடிந்த பின் விநாயகர் நோன்பு ஆரம்பமாகிறது. அத்தோடு கார்த்திகை மாதத்தில் ஜயப்ப பக்தர்கள் மாலை அணிந்து நாற்பத்தைந்து நாட்கள் அதாவது தை, முதல்நாள் மகர ஜோதி தரிசனம் காணும்வரை விரதம் அனுஷ்டித்து சபரிமலை யாத்திரை செல்வார்கள்.

விநாயகர் நோன்பு 21 நாட்களுக்கு அனுஷ்டித்து மார்கழி மாத சஷ்டி திதி அதாவது திருவெம்பாவை தொடங்கும் அன்று நிறைவு பெறுகிறது. அதன் பின் வரும் ஏகாதசி திதி வைஷ்ணவர்களுக்கு ஒரு பொன்னாள். அன்றைய தினத்தை சொர்க்கவாயில் ஏகாதசி என்று குறிப்பிடுவர். அன்று சொர்க்கத்தின் கதவுகள் திறந்திருக்கும் என்பது ஜதீகம்.ஸ்ரீவைகுந்த ஏகாதசி என அழைக்கப்படும் இந்நாளில் அன்று இரவு முழுவதும் கண்விழித்திருந்து நாராயணனின் நாமத்தை பாராயணம் செய்வர். இம்முறை(28/12/09) திங்கட்கிழமை அன்று சொர்க்கவாயில் ஏகாதசி கொண்டாடப்படுகிறது. ஆகவே மகாவிஷ்ணுவுக்கு பிரியமான மாதம் இம்மாதம் ஆகும்.

அதிகாலை வேளை எழுந்து நீராடி தூய ஆடை அணிந்து. மகளிர் வீட்டு வாசலில் அழகாக கோலம் வரைவர். பின் ஆலயம் சென்று வைஷ்ணவ கோவில்களில் ஸ்ரீமந்நாரயணனை துயில் எழுபுவதற்காக ஆண்டாள் அருளிய திருப்பள்ளி எழுச்சியும், பின் திருப்பாவையும் பாடி விஷ்ணுவை நினைந்து வழிபடுவார்கள். சிவன் அம்மன் போன்ற சைவ ஆலயங்களில் மாணிக்கவாசகர் அருளிய  திருப்பள்ளி எழுச்சியுடன், திருவெம்பாவை பாடி சிவனை நினைந்து 30 நாட்களும் அதிகாலை வழிபாடு செய்வர். அதில் திருவெம்பாவை பத்து நாட்களில் இறுதி நாளான திருவாதிரை நன்னாளில் நடராஜனைப் பெருமானின் தரிசனம் கண்டு வழிபடுவதும், இறைவனை காலையில் துலில் எழுப்பி அவர் தரிசனம் கிடைத்திட வழிபடாற்றுதலும் இந்துக்களுக்கு சிறப்பான மாதம் ஆகும். அடுத்தாக இஸ்லாமியர்களும் இம்மாதத்தில் முஹாராம் பெருநாளை கொண்டாடுவர்.இப்படி எல்லா மதத்தவருக்கும் ஏற்ற மாதாமாக இம் மார்கழி மாதம் மகோன்னத மாதமாக திகழ்கிறது.

மதங்கள் எல்லாம் ஒரே விதமான கருத்தையே கூறுகின்றன. மனிதர்கள் எல்லோரும் ஒன்றுமையுடனும், அமைதியுடனும் ஒருவர் கருத்தை ஒருவர் நேசிப்பதுடன் எல்லோர் மீதும் அன்பு காட்டி வாழவேண்டும். மதங்கள் பலவேறு இருந்தாலும் மனித மனங்கள் ஒன்றுபட்டு ஒருமனதாய் இம் மண்ணில் வாழவேண்டும். இனிவரும் புதிய ஆண்டில் புனிதர்களாய் வாழ்வோம்.

உங்கள் கருத்துக்கள்

தங்கிலிஷ் Tamil Typewritter Tamil 99
ஒன்லைன் Keymap உதவி
(ஆங்கிலத்தில் கருத்துரைக்க F12 விசையை அழுத்துங்கள்.
Use F12 to toggle between English & Unicode Tamil)
பெயர் *
Email (உங்களின் தொடர்புக்கு)
இக்குறிச் சொல்லை எழுதுங்கள்   

Submit Comment