2008 ஜனவரி மாதம் இந்தியா, மலேசியா, இலங்கை, எனத் தேசங்கள் கடந்த தமிழ் நேசம் கொண்ட நண்பர்களின்  எண்ணத்தில் கருவாகி, உலகத் தமிழர்களின் உறவுத் தளமாக உருப்பெற்றதுதான் 4தமிழ்மீடியா. முத்தமிழின் சிறப்புக்களோடிணைந்து கணினித் தமிழ் எனும் நான்காம் தமிழால் உருப்பெறுவதால்  நான்காம் தமிழ் ஊடகம் என்பதை சுட்டும் வகையிலும், சொல்வதற்கும், இணையப் பரம்பலுக்கு,  ஏற்பாகவும், 4தமிழ்மீடியா எனப் பெயருடன் எழுந்த இக் குழுமம் படிப் படியாகத் செயற் திட்டங்களை வகுத்து முடித்தது.

இணையத்தளக்கட்டமைப்பை செய்து கொள்வதில், முதல் ஆறு மாதங்கள் போயின. 2008 ஜுன் மாதத்தில்   தளத்தின் வடிவமைப்பு  பரீட்சார்த்தமாக இணையத்தில் ஏற்றப்பட்டு, இரு மாத காலம் தொழில் நுட்ப மேம்படுத்தல்கள், பயிற்சிகள் என்பன மேற்கொள்ளப்பட்டது. பல நாடுகளிலும் உள்ள நண்பர்களிடம் , மின்னஞ்சல் வழியாகக் கருத்துக்கள் பெறப்பட்டன. பெறப்பட்ட கருத்துக்களுக்கு அமைவாகவும் மாற்றங்கள் செய்யப்பட்டன.

ஈற்றில் 2008 ஆவணிமாதம் (ஆகஸ்ட்) 14ந் திகதி,  4தமிழ்மீடியா  தனது அதிகாரபூர்வமான சேவையை ஆரம்பித்தது. ஆரம்பித்த நாள் முதல் படிப்படியாக தன் நோக்கில் தடம் பதித்து வருகின்றது.   இணையத்தில் உள்ள புதிய தொழில் நுட்பங்களினடிப்படையில் விரிவான விரைவான நம்பிக்கையான செய்திகளைத் தொகுத்துத் தருவதுடன், பல்வேறு துறைசார் படைப்புக்களைத் தருவதும்,  புதிய தொழில்நுட்பம் சார்ந்த இணைய முயற்சிகளை  மேற்கொள்வதும் , தொடரும் இந்த இணையப் பயணத்தில் எமது இலக்குகளாகும்.

                                  ' தினமும் உலகைப் புதிதாய் காணலாம் '

இனிய நட்புடன்

4தமிழ்மீடியா குழுமம்