தெய்வமகள் என்ற தொலைக்காட்சி நெடுந்தொடர் வழியாக தமிழ் மக்களின் இதயத்தில் இடம்பிடித்தவர் வாணி போஜன்.
இவர் 2010 வாக்கில் சில படங்களில் துணைக் கதாபாத்திரங்களில் நடித்து, பின்னர் சின்னத் திரைக்கு சென்றாலும் மீண்டும் இவர் மீது திரையுலகின் பார்வை பட்டு ‘ஓ மை கடவுளே’ படத்தின் மூலம் கதாநாயகியாக வெற்றிபெற்றிருக்கிறார். வைபவ் என்ற நடிகருடன் அடுத்தடுத்த இரண்டு படங்களில் கதாநாயகியாக நடித்து அவருடன் காதல் கிசுகிசுவில் சிக்கினார்.
தற்போது சியான் விக்ரம் நடிப்பில் அவர் நடிக்கும் 60-வது படத்தை கார்த்திக் சுப்பராஜ் இயக்குகிறார். அதில் விக்ரமுடன் இணைந்து அவரது மகன் துருவ் விக்ரமும் நடிக்கிறார். இந்தப் படத்தின் படப்பிடிப்பு விரைவில் தொடங்க இருக்கிறது. இந்தப் படத்தைப் பற்றிய தற்போதைய செய்தி, படத்தில் விக்ரமுக்கு ஜோடியாக வாணி போஜன் ஒப்பந்தமாகியிருக்கிறார் என்பது. இது வாணி போஜனுக்கு அடித்திருக்கும் மிகப்பெரிய ஜாக்பாட் என்றால் அது மிகையில்லை.
விக்ரம் தற்போது மணிரத்னம் இயக்கத்திலொ ஆதித்த கரிகாலன் வேடத்தில் பொன்னியின் செல்வன் படத்தில் நடித்துவருகிறார். அவர் நடித்துள்ள கோப்ரா படத்தின் பேச் ஒர்க் வேலைகள் மட்டுமே மிச்சமுள்ளன. இந்த இரண்டு படங்களும் முடிந்தபிறகு விக்ரம் - வாணிபோஜன் நடிக்கும் படத்தின் படப்பிடிப்பு செப்டம்பரில் தொடங்க இருக்கிறது.
இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்
இணைப்பினில் அழுத்தி புதிய கானொளிகள் பார்த்து மகிழுங்கள்
![](https://live.staticflickr.com/65535/50974164383_fa1c20fdbf_z.jpg")
