திரைப்படவிழாக்கள்

2016 ம் ஆண்டு லோகார்ணோ சர்வதேச திரைப்படவிழாவில் பார்த்த தென் கொரியப் படம் Tunnel (சுரங்கம்). நீங்கள் எவ்வளவு காலம் வாழ முடியும்? எனும் கேள்வியை படம் திரையில் ஒடும் மணித்துளிளில் நம் மனதுக்குள் தோற்றுவிக்கும் ஒரு படம்.

  கொரிய இயக்குனர் கிம் சியோங்-ஹுன் Kim Seong-hun இயக்கத்தில், Ha Jung-woo ஹா ஜங்-வூ முக்கிய கதாபாத்திரத்தில் நடித்திருக்க 10 ஆகஸ்ட் 2016 அன்று வெளியிடப்பட்ட இப் படத்தின் முதல் திரையிடலை, லோகார்னோ பெருமுற்றத்தின் பிரம்மாண்டத் திறந்த வெளித்திரையில் பார்த்திருந்தோம். அன்றைய நாட்களில் எழுதியிருக்க வேண்டிய விமர்சனம் ஏனோ தவறிப் போய்விட்டது. ஆனாலும் கொரோனா முடிகத்தில் சிக்கியிருக்கும் இந்த நாட்களில் யூட்டியூப்பில் இந்தப் படத்தை மீளவும் பார்க்க முடிந்தது.

சாதாரண குடும்ப மனிதரான ஜங்-சூ ஈ ஒரு சுரங்கப் பாதைவழியே காரில் செல்கையில், சுரங்கப்பாதை இடிந்து விழுவதில் ஆரம்பமாகிறது கதை. சுரங்க இடிபாடுகளுக்குள் சிக்கிக் கொள்ளும் அவரது இயங்கு தளமும, வளமும் மிகச் குறைவானதாகிவிடுகிறது.

மிகக் குறைந்த சிக்னல் அளவுடனாள ஒரு செல்போன் மட்டுமே அவருக்கான வெளி உலகத் தொடர் இணைப்பாக மாறுகிறது. அதனைச் சூறையாடும் ஊடக வெறியில் தொடங்கி, மகளுக்காக வேண்டிய ஒற்றைக் கேக், மற்றும் கையிருப்பிலுள் சொற்பளவிலான தண்ணீருடன் தொங்கும் அவரது வாழ்வுக்கான போராட்டத்தில், காட்டப்படும் மனிதாபிமானம், மற்றும் அரசாங்க அதிகாரிகளின் விளம்பரத்திற்கான விருப்பம், அவசரகால மீட்புக் குழுவும், அதன் தலைவரும், ஜங்-சூவை நாட்டின் ஆதரவுடன் மீட்க ப் போராடுவது என்பதனை சுவாரசியமான திரைக்தையாக நகர்த்திச் செல்கின்றார் இயக்குனர்.

ஒரு சிறிய பகுதிக்குள்ளான காட்சிச் சட்டகத்திற்குள் நின்று கொண்டு, சூழலின் சிரமத்தை ஆபத்தை நிறைவாகக் கொண்டுவருபர் கதையின் நாயகன் எனில், எவளியே உள்ள குளறுபடிகளையெல்லாம் வெளிப்படுத்தும் பாத்திரம், மீட்புக்குழுத் தலைவரினது. அரங்காற்றுப் பயிசிபெற்ற 51 வயதான Oh Dal-su ஓ தல் சூ வின் நடிப்பில் பார்வையாளனுக்கு மிக நெருக்கமாக வருகிறது அப்பாத்திரம்.

தனிமனிதளது வாழ்வில் அரச இயந்திரம், ஊடகப் பரபரப்பு, அரசியல்வாதிகளின் ஈகோ, என்பன செலுத்தக் கூடிய அதிகார ஆளுமைகள் அனைத்துடனுமான கதைப் பின்னலுடன் மக்கள் நீதி பேசும் படமாகக் காணமுடியும்.

முழுப்படத்தினையும் காண ;

 

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

மின்னஞ்சலில் பதிவுகள் பெறுவதற்கு :

இவற்றையும் பார்வையிடுங்கள்

இசையமைப்பாளர், நடிகர் ஜி.வி.பிரகாஷ் நடிப்பில் உருவாகி வரும் ‘பேச்சிலர்’படத்தின் டீஸர் வெளியாகி ரசிகர்களிடம் மிகப்பெரிய வரவேற்பைப் பெற்றது. தற்போது இதே படக்குழு, பூர்னேஷ் மற்றும் ஷிவானி நாராயணன் இணைந்து நடித்துள்ள ‘போதையில் தள்ளாதே’ ரொமான்டிக் சிங்கிள் தனியிசைப் பாடலை வெளியிட்டிருக்கிறது.

கடந்த இரு வாரங்களுக்கு முன் முடிவுக்கு வந்த லொகார்னோ சர்வதேச திரைப்பட விழாவில், இம்முறை கொரோனா காரணமாக, இணைய வழி திரைக்காட்சிகளே அதிகம் இடம்பெற்றிருந்தன.

சாதிய வன்மத்தின் முகம் தமிழகத்தில் புரையோடிக் கிடக்கிறது என்பதற்கு அரக்கோனத்தை அடுத்த சோகனூர் கிராமம் உதாரணமாகியிருக்கிறது. நடந்து முடிந்த தமிழகச் சட்டமன்றத் தேர்தலுக்குப் பின்னரான சாதிய வன்முறையில் இரண்டு தலித் இளைஞர்கள் அங்கே அடித்து கொலை செய்யப்பட்டிருக்கிறார்கள்.

கொரோனா முதல் அலையின் போதும் பில் கேட்ஸின் தலை உருண்டது. அதேபோல் தற்போதைய இரண்டாம் அலையில் கோவிட் 19 தடுப்பூசிகள் குறித்த ஒரு விவாதம் வந்த பொழுது எப்படி அதில் பில்கேட்ஸ் சம்பந்தப்பட்டிருக்குறார் என்று ‘இல்லுமினாட்டி, கான்பிரேசி கோட்பாடு’என்றெல்லாம் சில நெட்டிசன்கள் இணையத்தில் கூக்குரல் எழுப்பிக்கொண்டிருந்தார்கள்.

கடந்த தொடரில் Starshot விண்வெளிப் பயண செயற்திட்டம் தொடர்பான விரிவான தகவல்களைப் பார்த்தோம். அதன் தொடர்ச்சி இனி..

முந்தைய தொடருக்கான இணைப்பு -

நாம் தனிமையில் இல்லை..! : பாகம் -10 (We are Not Alone - Part 10)

ஒட்டுமொத்த உலகமும் தற்போது இந்தியாவை நோக்கி தன்னுடைய அனுதாபப் பார்வையைத் திருப்பியிருக்கிறது. முதல் அலைக் கொரோனா தாக்குதலை ஓரளவுக்கு சமாளித்த இந்தியா, ஐந்து மாநிலத் தேர்தல்களை நடத்துவதில் அலட்சியம், கும்பமேளா போன்ற பிரம்மாண்ட சமய நிகழ்ச்சிகள் காரணமாக இரண்டாம் அலை கோரோனா 750 வகையான மரபுதிரிபுகளோடு வேகமாக பரவி வருகிறது.

உழைப்பாளர் தினத்தில் இலங்கையிலிருந்து வெளியாகியுள்ள கானொளிப்பாடல் கோமாளி (The Buffoon ). உழைக்கும் மக்களின் துயர், அதிகாரத்தின் அராஜகம், ஜனநாயகத்தின் ஏமாற்றம், மக்களின் விடிவு என்பன குறித்துப் பேசும் வரிகளுடனும், தனித்துவமான இசையுடனும் வெளிவந்திருக்கிறது.