திரைவிமர்சனம்

பழனி அருகேயுள்ள கணக்கன்பட்டி என்கிற கிராமத்தில் வசிக்கிறார் ஊர்ப் பெரியவரான பாரதிராஜா. மகன்கள், மகள், பேரன் பேத்திகளுடன் கோரோனா காலத்தில் சந்தோஷமாக இருக்கிறது அவரது குடும்பம். ஆனால், ‘உங்கள் குடும்பத்தில் பவுர்ணமிக்குள் ஒரு உயிர் போகப் போகிறது’ என்று ஜோசியக்காரர் சொல்கிறார். இதனால் குடும்பம், கோரோனாவால் யாரும் இறந்துவிடுவார்களோ எனப் பதறுகிறது.

பாரதிராஜா குடும்பத்தின் பகையாளியான வில்லன் சிவா, பழைய பகையை மனதில் வைத்துக்கொண்டு பாரதிராஜா குடும்பத்தினரை கொலை செய்யத் துடிக்கிறார். இந்த சமயத்தில், பாரதிராஜா வீட்டில் வேலை செய்யும் விசுவாசியான சிம்பு, வில்லனை தடுத்தாரா? பாரதிராஜா குடும்பத்தை அவர் காப்பாற்ற என்ன காரணம்? என்பது போன்ற கேள்விகளுக்கு நாம் எதிர்பார்க்கும்விதத்தில் பதில் சொல்கிறது ஈஸ்வரன்.

தாறுமாறாக ஏறியிருந்த உடல் எடையைக் குறைத்து, தாடி வளர்த்து துருதுருவென பல இடங்களில் சிறப்பாக நடித்து இருக்கிறார் சிம்பு. இயக்குநர் சொன்னதை மட்டும் கேட்ப்போம், நமக்கேன் வம்பு என்று பல காட்சிகளில் அவர் அடக்கி வாசித்திருப்பதைப் பார்க்க முடிகிறது. அதேநேரம், பாடல் காட்சியில் செம்மையாக ஆட்டம் போடுகிறார்.

குடும்பப் பெரியவராக இருந்தாலும் பல இடங்களில் எதார்த்தமான நடிப்பில் முத்திரை பதிக்கிறார் இயக்குநர் இமயம் பாரதிராஜா. அவர் குடும்பத்தில் ஏகப்பட்ட பேர் துணைக் கதாபாத்திரங்களில் நடித்திருந்தும் காமெடி செய்யும் முனீஸ்காந்த் தவிர மற்றவர்கள் யாரும் மனதில்ஒட்ட மறுக்கிறார்கள். துணைக் கதாபாத்திரங்கள் பெரும்பாலும் அவசர கோலத்தில் எழுதப்பட்டவையாகவே உள்ளன. சிம்புவை ‘மாம்ஸ் மாம்ஸ்’ என்று கொஞ்சிக் குலாவியபடி சுற்றி தெரியும் ஹைதர் அலி காலத்துக்கு கதாநாயகியாக நிதி அகர்வால். சிம்புவுடன் திறந்தவெளிகளில் ஆட்டம் போடவும் கிளாமர் காட்டவும் மட்டுமே பயன்பட்டிருக்கிறார் இரண்டாவது கதாநாயகியான நந்திதாவுக்கு சோகமாக நான்கு காட்சிகளை வைத்திருக்கிறார்கள். இப்படியொரு கதாபாத்திரத்துக்கு அவர் எப்படி ஒப்புக்கொண்டார் என்று தெரியவில்லை. நகைச்சுவை நடிகர்களி முனீஸ்காந்துக்கு அடுத்து பாலசரவணன் மட்டும் சிரிப்பு மூட்டுகிறார்.

சிம்பு பழனி திருக்கோயிலில் வேலை செய்கிறார் என்று காட்சி வைத்திருக்கிறார் இயக்குநர். ஆனால், பழனி கோயிலைக் கூட சரியாக காட்டவில்லை. கதையிலும் ரசிகர்களை கவரும் வகையில் விருவிருப்பு, திருப்புமுனைகள் என்று பெரிதாக எதுவும் இல்லை. கொரோனா வருமோ என்று குடும்பத்தினர் பதைபதைதது நிற்கும்காட்சி மட்டும் எடுபட்டுள்ளது. சிம்பு பாம்பு பிடிக்கும் காட்சியின் நீளம், வில்லனின் அரதப்பழசான பின்னணி, மருத்துவமனையில் கிளைமேக்ஸ், இரண்டு மனைவிமார் கதை, சொத்து பிரச்சனை, இதயத்தில் ஓட்டை என்று பலமுறை பார்த்து சலித்த விஷயங்களை ஏன் இயக்கும் இயக்குனர் சுசீந்திரன் சலித்து எடுத்து நம் கழுத்தை அறுத்து இருக்கிறார் என்று தெரியவில்லை. இசை, பாடல்கள் சுமார் ரகம், சிறுநகர, கிராமிய ரசிகர்கள் சில காட்சிகளை மனம்விட்டு ரசிக்கலாம். கடந்த 4 சுமாரான கதைகளை மிகச்சுமாரான காட்சிகளுடன் படமாக்கி ரசிகர்களை ஏமாற்றி வரும் சுசீந்திரன், இந்தப் படத்திலும் அதை செவ்வனே தொடர்ந்திருக்கிறார். ஈஸ்வரனை சிம்புவுக்காகவும் பாரதிராஜாவுக்காகவும் ஒருமுறைப் பார்க்கலாம்.

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

-4தமிழ்மீடியா விமர்சனக் குழு

மின்னஞ்சலில் பதிவுகள் பெறுவதற்கு :

இவற்றையும் பார்வையிடுங்கள்

சன் டிவி தயாரிப்பில் நெல்சன் இயக்கத்தில் விஜய் நடிக்கும் அவருடைய 65-வது படத்தின் முதற்கட்டப் படப்பிடிப்பு சென்னையில் பூஜையுடன் தொடங்கி

கடந்த இரு வாரங்களுக்கு முன் முடிவுக்கு வந்த லொகார்னோ சர்வதேச திரைப்பட விழாவில், இம்முறை கொரோனா காரணமாக, இணைய வழி திரைக்காட்சிகளே அதிகம் இடம்பெற்றிருந்தன.

சாதிய வன்மத்தின் முகம் தமிழகத்தில் புரையோடிக் கிடக்கிறது என்பதற்கு அரக்கோனத்தை அடுத்த சோகனூர் கிராமம் உதாரணமாகியிருக்கிறது. நடந்து முடிந்த தமிழகச் சட்டமன்றத் தேர்தலுக்குப் பின்னரான சாதிய வன்முறையில் இரண்டு தலித் இளைஞர்கள் அங்கே அடித்து கொலை செய்யப்பட்டிருக்கிறார்கள்.

வீரைய்யா..!
ராசத்துடன் இந்த முற்றத்துக்கு வந்து சேர்ந்தவன்.

கடந்த தொடரில் Starshot விண்வெளிப் பயண செயற்திட்டம் தொடர்பான விரிவான தகவல்களைப் பார்த்தோம். அதன் தொடர்ச்சி இனி..

முந்தைய தொடருக்கான இணைப்பு -

நாம் தனிமையில் இல்லை..! : பாகம் -10 (We are Not Alone - Part 10)

இந்தியன் 2 படத்தை அப்படியே விட்டுவிட்டு, சிரஞ்சீவி மகன் ராம்சரண் நடிக்கும் மும்மொழிப் படம், ‘அந்நியன்’ஹிந்தி ரீமேக் ஆகிய படங்களை இயக்க ஆயத்தமான இயக்குநர் ஷங்கர் மீது லைகா நிறுவனம் வழக்குத் தொடுத்தது.

உழைப்பாளர் தினத்தில் இலங்கையிலிருந்து வெளியாகியுள்ள கானொளிப்பாடல் கோமாளி (The Buffoon ). உழைக்கும் மக்களின் துயர், அதிகாரத்தின் அராஜகம், ஜனநாயகத்தின் ஏமாற்றம், மக்களின் விடிவு என்பன குறித்துப் பேசும் வரிகளுடனும், தனித்துவமான இசையுடனும் வெளிவந்திருக்கிறது.