இத்தாலியில் மே31 முதல் அடுத்து வரும் மாற்றங்கள் என்ன ?

ஐரோப்பா
Typography
  • Smaller Small Medium Big Bigger
  • Default Helvetica Segoe Georgia Times

இத்தாலியில் நாளை மே 31 திங்கள்கிழமை முதல் குறைந்த ஆபத்துள்ள கொரோனா வைரஸின் 'வெள்ளை' மண்டலங்களாக பல பிராந்தியங்களை இத்தாலிய அரசாங்கம் அறிவித்துள்ளது.

இது அப்பிராந்தியங்களில் வாழும்குடியிருப்பாளர்களுக்கும், பிராந்தியங்களுக்கு வருபவர்களுக்கும்மகிழ்ச்சிதரும் செய்தியாகும். ஆயினும் இப் பிராந்தியங்களிலும் கோவிட் நடைமுறைகள் பேணப்படும்.

ஃப்ரியூலி-வெனிசியா-கியுலியா, மோலிஸ் மற்றும் சார்டினியா ஆகிய மூன்று பிராந்தியங்கள் மே 31 திங்கள் முதல் வெள்ளை மண்டலமாக மாறும் என்றும், அப்ரூஸ்ஸோ, வெனெட்டோ, லிகுரியா மற்றும் அம்ப்ரியா ஆகியவை அடுத்த வாரம் மாற்றப்படும் என்று எதிர்பார்க்கப்படுகிறது.

இத்தாலிய சுகாதார அமைச்சர் ராபர்டோ ஸ்பெரான்சா வாராந்திர சுகாதார தரவுகளின் அடிப்படையில் சமீபத்திய கட்டளைச் சட்டத்தில் கடந்த வெள்ளிக்கிழமை கையெழுத்திட்டார். குறைந்த கட்டுப்பாட்டு வெள்ளை மண்டலத்திற்கு நகரும் மூன்று பிராந்தியங்களும் 100,000 குடிமக்களுக்கு 50 க்கும் குறைவான கொரோனா வைரஸ் தொற்றுக்களை மூன்று வாரங்களுக்கு தொடர்ச்சியாக பதிவு செய்துள்ளன. இதனடிப்படையிலேயே இப்பிராந்தியங்கள் வெள்ளை மண்டல தகுதியை பெறுகின்றன.

இலங்கையில் கொரோனா தொற்று உயிரிழப்பு 1400ஐ கடந்தது!

இத்தாலி வெவ்வேறு வண்ண மண்டலங்களாகப் பிரிக்கப்பட்டுள்ளது. இவற்றினடிப்படையில் கொரோனா வைரஸ் கட்டுப்பாடுகளின் அளவு பேணப்படுகிறது. ‘சிவப்பு’ அதிக ஆபத்துள்ள மண்டலங்களாகவும், அதைத் தொடர்ந்து ஆரஞ்சு மற்றும் மஞ்சள் நிறமாக உள்ள பிராந்தியங்கள் ஆபத்துக் குறைந்த பிராந்தியங்களாகவும் உள்ளன. இத்தாலியின் பெரும்பகுதி தற்போது மஞ்சள் நிறத்தில் உள்ளமை குறிப்பிடத்தக்கது.

மே 31 முதல் இத்தாலியில், சிவப்பு மண்டலப் பகுதிகள் மற்றும் ஆரஞ்சு மண்டலப் பகுதிகள் இல்லை. மஞ்சள் மண்டலம்: அப்ருஸ்ஸோ, பசிலிக்காடா, கலாப்ரியா, காம்பானியா, எமிலியா ரோமக்னா, லாசியோ, லிகுரியா, லோம்பார்டி, மார்ச்சே, பீட்மாண்ட், போல்சானோவின் தன்னாட்சி மாகாணம், ட்ரெண்டோவின் தன்னாட்சி மாகாணம், அபுலியா, சிசிலி, டஸ்கனி, அம்ப்ரியா மற்றும் வேல் டி ஆஸ்டா
வெள்ளை மண்டலம்: ஃப்ரியூலி-வெனிசியா-கியுலியா, மோலிஸ், சார்டினியா

இது ஜூன் 7ந் திகதியின் பின் மேலும் மாற்றம் பெறும்.

‘வெள்ளை மண்டலம்’ விதிகள் யாவை?

மாலை ஊரடங்கு உத்தரவு மற்றும் உணவகங்கள் உள்ளிட்ட வணிகங்களுக்கான திறப்பு நேரங்களுக்கான கட்டுப்பாடுகள் உள்ளிட்ட மஞ்சள் மண்டலங்களில் தற்போது நடைமுறையில் உள்ள பெரும்பாலான கட்டுப்பாடுகளிலிருந்து இந்த பகுதிகள் விலக்கு அளிக்கப்பட உள்ளன.

இதுவரை, முகமூடி அணிவது மற்றும் சமூக விலக்கு விதிகள் மட்டுமே வெள்ளை மண்டலங்களில் இருக்க வேண்டும் என்று சுகாதார அமைச்சர் தெரிவித்துள்ளார்.

திங்கள்கிழமை முதல் வெள்ளை மண்டலங்களுக்கு நகரும் மூன்று பிராந்தியங்களும் கடைசியாக மீதமுள்ள கட்டுப்பாடுகளை கைவிட முடியும், மேலும் உட்புற உணவகங்கள் மற்றும் பார்கள், கண்காட்சிகள், தீம் பூங்காக்கள், மாநாடுகள் மற்றும் உட்புற நீச்சல் குளங்கள் ஆகியவற்றை மீண்டும் திறக்க முடியும். மற்றும் மீண்டும் தேசிய சாலை திறக்கவும், திட்டமிடப்பட்ட திருமணங்களையும் நடத்தலாம்.

இப்போதைக்கு, இரவு விடுதிகள் மற்றும் டிஸ்கோக்கள் இன்னும் இடைநிறுத்தப்பட்டுள்ளன, வெளியில் முகமூடிகளை அணிவது குறித்த விதிகளை இத்தாலி தளர்த்துமா அல்லது தவிர்க்குமா எப்போது தவிர்க்கும் என்பது குறித்து தெரியவில்லை.

மேற்குறித்த விதிகள் பொதுவாயினும், ஒவ்வொரு பிராந்தியத்திலும் இறுதி விதிமுறைகள் உள்ளூர் அதிகாரத்தை சார்ந்துள்ளது. ஏனெனில் ஒவ்வொன்றும் தேசிய அரசாங்கத்தால் நிர்ணயிக்கப்பட்ட விதிமுறைகளை விட கடுமையான கட்டுப்பாடுகளை விதிக்கவும் முடியும்.

இத்தாலி முழுவதும் வெள்ளை மண்டலமாக அறிவிக்கப்படுமா?

ஜூன் 21 க்குள் முழு இத்தாலியும் வெள்ளை மண்டல விதிகளின் கீழ் இருக்கக்கூடும் என சமீபத்திய சுகாதார தரவுகளின் அடிப்படையில் ஊடக ஊகங்கள் தெரிவிக்கின்றன.

ஜூன் 14 ஆம் திகதிக்குள் எமிலியா ரோமக்னா, லாசியோ, லோம்பார்டி, பீட்மாண்ட், புக்லியா மற்றும் ட்ரெண்டோ மாகாணம் ஒரு வெள்ளை மண்டலமாக மாறக்கூடும் என்பதும் இதன் பொருள். ஆனால் இவை அனைத்தும் வாராந்திர சுகாதாரத் தரவு மற்றும் இத்தாலியின் தடுப்பூசி வழங்கலின் முன்னேற்றத்தைப் பொறுத்தது. அடுத்த வாரம் முதல் 16 வயதிற்கு மேற்பட்ட அனைவருக்கும் தடுப்பூசி நியமனங்கள் திறக்க சுகாதார அதிகாரிகள் அனுமதிக்கப்படுவார்கள் என்று இத்தாலிய அவசர ஆணையர் தெரிவித்துள்ளார்.

இத்தாலியில் ஏறக்குறைய 11.5 மில்லியன் மக்களுக்கு முழுமையாக தடுப்பூசி போடப்பட்டுள்ளது, இது மக்கள்தொகையில் 19 சதவீதத்திற்கும் மேலானது என்று அதிகாரப்பூர்வ புள்ளிவிவரங்கள் தெரிவிக்கின்றன.

Comments powered by CComment

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

We use cookies

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.