கட்டுரைகள்

வானியல் கல்வியிலும், இந்து மத, சைவ மத நம்பிக்கைகளிலும் மிக முக்கியமான ஒரு நட்சத்திரம் திருவாதிரை! (Betelgeuse).

ஒரியன் வேட்டைக்காரன் எனப்படும் பூமியில் இருந்து பார்க்கையில் எல்லாக் காலத்திலும் எல்லா இடங்களிலும் தெரியக் கூடிய மிகப் பெரிய விண்மீன் தொகுதி ஒன்றின் தோளில் உள்ள பிரகாசமான நட்சத்திரங்களில் ஒன்று இந்தத் திருவாதிரை.

மிகப் பிரகாசமான இந்த நட்சத்திரம் சமீபத்திய தொலை நோக்குக் கருவிகளில் நோக்கும் போது பிரகாசம் குறைந்து வருவது அவதானிக்கப் பட்டதால் இந்தத் திருவாதிரை நட்சத்திரம் தனது வாழ்நாளை முடித்துக் கொண்டு ஒரு சூப்பர் நோவாவாக வெடிக்கப் போகின்றதா என்பது தொடர்பான செய்திகள் கடந்த மாதம் முதல் பல இணைய ஊடகங்களை ஆக்கிரமித்திருந்தன. அது தொடர்பான ஒரு பார்வை இதோ.

8.5 மில்லியன் ஆண்டுகள் பழமையான இந்த சிவப்பு நட்சத்திரம் 2019 ஆமாண்டு ஜனவரியில் இருந்ததை விட 36% வீத பிரகாசத்தை இழந்திருப்பதால் அது விரைவில் ஊதிப் பெருத்து வருவதாகவும் இதனால் முன்பு எதிர்பார்க்கப் பட்டதை விட விரைவாகவே இது சூப்பர் நோவாவாக வெடிக்கும் என கலிபோர்னிய பல்கலைக் கழக விண்வெளி ஆய்வாளர் சரஃபினா நான்ஸ் தெரிவித்துள்ளார். பூமியில் இருந்து பார்க்கையில் மிகவும் பிரகாசமான நட்சத்திரம் சிரியஸ். இப்பட்டியலில் 10 ஆவது இடத்தில் இருந்த திருவாதிரை நட்சத்திரம் தான் இப்போது 24 ஆவது இடத்துக்குச் சென்றுள்ளது.

724 ஒளியாண்டுகள் தொலைவில் இருப்பதால் இந்தத் திருவாதிரை நட்சத்திரம் சூப்பர் நோவாவாக வெடித்தாலும் அதனை உடனே நாம் காண முடியாது. எனவே தற்போது இந்த நட்சத்திரத்தின் பிரகாசத்தில் ஏற்பட்டுள்ள மாற்றம் பல வருடங்களுக்கு முன்பு ஏற்பட்டிருக்கலாம் என்றும் அது சூப்பர் நோவாவாக வெடிப்பதை எமது தலைமுறை பார்க்க முடியுமா என்பது ஐயமே என்றும் இதற்கு சில ஆண்டுகள் முதல் 500 அல்லது பல்லாயிரம் ஆண்டுகளும் எடுக்கலாம் என்றும் கூறப்படுகின்றது. இது வெடிக்கும் போது அதைப் பூமியில் இருந்து பகல் வானிலே கூட அவதானிக்க முடியும் என்றும் வானியலாளர்கள் தெரிவித்துள்ளனர். சூரியனை விட அளவில் பெரிய சிவப்பு நட்சத்திரங்கள் தமது ஆயுள் முடிவில் ஊதிப் பெருத்து வெடித்து பின்னர் சுருங்கத் தொடங்குவதையே சூப்பர் நோவா (Super Nova) என ஆங்கிலத்தில் அழைக்கின்றனர்.

திருவாதிரை நட்சத்திரம் சூரியனின் ஆரையை விட 720 மடங்கு பெரிது என்பதுடன் 15 மடங்கு அதிக நிறையும் உடையது. இந்தத் திருவாதிரை நட்சத்திரம் 724 ஒளியாண்டுகள் தொலைவில் உள்ளதால் இது சூப்பர் நோவாவாக வெடித்து வெளிப்படுத்தும் கதிரியக்க ஆற்றலின் வீரியம் பூமியைப் பாதிக்கும் அளவுக்கு இருக்காது என்றும் கூறப்படுகின்றது.

ஆனால் இரவு வானில் இது நிலவை விடப் பிரகாசமாகத் தெரியும் என்றும், அதனல் பூமியில் புதிய நிழல் உருவாகும் என்றும் இது சில மாதங்களுக்கு நீடிக்கும் என்றும் கணிக்கப் பட்டுள்ளது. எமது பூமியில் சூப்பர் நோவாக்கள் விண்வெளியில் நிகழும் பொழுது வெளிப்படும் மிகச் செறிவான நியூட்ரினோ கற்றைகளை வைத்து அவற்றை இனம் காண வசதியாக அண்டார்ட்டிக்கா மற்றும் ஜப்பான் போன்ற இடங்களில் நியூட்ரினோ ஆய்வகங்கள் உள்ளன என்பதும் குறிப்பிடத்தக்கது. இந்தியாவில் தமிழகத்தில் உள்ள நியூட்ரினோ ஆய்வகம் பூமியில் ஏற்படும் அணுக்கசிவுகளை மாத்திரம் தான் கண்டறியக் கூடியது ஆகும்.

எமது இந்து சமயத்தில் உள்ள 27 நட்சத்திரங்களில் திரு என்று தொடங்கும் இரு நட்சத்திரங்கள் உள்ளன. அதில் ஒன்றான திருவாதிரை சிவனுக்கும், திருவோணம் விஷ்ணுவிற்கும் உரிய நட்சத்திரம் ஆகும். பொதுவாக இந்தியா உட்பட இந்து சமயத்தை அனுட்டிக்கும் நாடுகளில் சிவனுக்கு மிக உகந்த நாளான ஆருத்ரா தரிசனம் திருவாதிரை நட்சத்திரத்தில் வருகின்றது. மேலும் இந்த நட்சத்திரத்துக்கு உகந்த கிரகம் ராகு என்றும் கூறப்படுகின்றது.

பொதுவாக ஜோதிடத்தில் ஒரு நட்சத்திரம் ஆயுள் முடிந்து வெடிக்கும் தருணங்களில் பூமியில் போர்கள், அழிவுகள் மற்றும் தொற்று நோய்கள் ஏற்படும் என எதிர்வு கூறப்படுவது உண்டு. ஆனால் இவை யாவற்றுக்கும் விஞ்ஞான அடிப்படையிலான சான்று கிடையாது. தற்போது திருவாதிரை நட்சத்திரத்தில் ஏற்பட்டு வரும் மாற்றங்கள் தீவிரமாக அவதானிக்கப் பட்டு வருகின்றன.

மின்னஞ்சலில் பதிவுகள் பெறுவதற்கு :

இவற்றையும் பார்வையிடுங்கள்

இசையமைப்பாளர், நடிகர் ஜி.வி.பிரகாஷ் நடிப்பில் உருவாகி வரும் ‘பேச்சிலர்’படத்தின் டீஸர் வெளியாகி ரசிகர்களிடம் மிகப்பெரிய வரவேற்பைப் பெற்றது. தற்போது இதே படக்குழு, பூர்னேஷ் மற்றும் ஷிவானி நாராயணன் இணைந்து நடித்துள்ள ‘போதையில் தள்ளாதே’ ரொமான்டிக் சிங்கிள் தனியிசைப் பாடலை வெளியிட்டிருக்கிறது.

கடந்த இரு வாரங்களுக்கு முன் முடிவுக்கு வந்த லொகார்னோ சர்வதேச திரைப்பட விழாவில், இம்முறை கொரோனா காரணமாக, இணைய வழி திரைக்காட்சிகளே அதிகம் இடம்பெற்றிருந்தன.

சாதிய வன்மத்தின் முகம் தமிழகத்தில் புரையோடிக் கிடக்கிறது என்பதற்கு அரக்கோனத்தை அடுத்த சோகனூர் கிராமம் உதாரணமாகியிருக்கிறது. நடந்து முடிந்த தமிழகச் சட்டமன்றத் தேர்தலுக்குப் பின்னரான சாதிய வன்முறையில் இரண்டு தலித் இளைஞர்கள் அங்கே அடித்து கொலை செய்யப்பட்டிருக்கிறார்கள்.

கொரோனா முதல் அலையின் போதும் பில் கேட்ஸின் தலை உருண்டது. அதேபோல் தற்போதைய இரண்டாம் அலையில் கோவிட் 19 தடுப்பூசிகள் குறித்த ஒரு விவாதம் வந்த பொழுது எப்படி அதில் பில்கேட்ஸ் சம்பந்தப்பட்டிருக்குறார் என்று ‘இல்லுமினாட்டி, கான்பிரேசி கோட்பாடு’என்றெல்லாம் சில நெட்டிசன்கள் இணையத்தில் கூக்குரல் எழுப்பிக்கொண்டிருந்தார்கள்.

கடந்த தொடரில் Starshot விண்வெளிப் பயண செயற்திட்டம் தொடர்பான விரிவான தகவல்களைப் பார்த்தோம். அதன் தொடர்ச்சி இனி..

முந்தைய தொடருக்கான இணைப்பு -

நாம் தனிமையில் இல்லை..! : பாகம் -10 (We are Not Alone - Part 10)

ஒட்டுமொத்த உலகமும் தற்போது இந்தியாவை நோக்கி தன்னுடைய அனுதாபப் பார்வையைத் திருப்பியிருக்கிறது. முதல் அலைக் கொரோனா தாக்குதலை ஓரளவுக்கு சமாளித்த இந்தியா, ஐந்து மாநிலத் தேர்தல்களை நடத்துவதில் அலட்சியம், கும்பமேளா போன்ற பிரம்மாண்ட சமய நிகழ்ச்சிகள் காரணமாக இரண்டாம் அலை கோரோனா 750 வகையான மரபுதிரிபுகளோடு வேகமாக பரவி வருகிறது.

உழைப்பாளர் தினத்தில் இலங்கையிலிருந்து வெளியாகியுள்ள கானொளிப்பாடல் கோமாளி (The Buffoon ). உழைக்கும் மக்களின் துயர், அதிகாரத்தின் அராஜகம், ஜனநாயகத்தின் ஏமாற்றம், மக்களின் விடிவு என்பன குறித்துப் பேசும் வரிகளுடனும், தனித்துவமான இசையுடனும் வெளிவந்திருக்கிறது.