கட்டுரைகள்

கரும் சக்தியானது பிரபஞ்சத்தை விரிவடையச் செய்வதல்ல என்பதுடன் அது பிரபஞ்ச விரிவாக்க வேகத்தை அதிகரிக்கச் (accelerating) செய்கின்ற சக்தி என்பதைப் புரிந்து கொள்வோம்.

இந்தக் கரும் சக்தியின் துணை இல்லாமலும் பிரபஞ்சம் விரிவடையக் கூடும். ஆனால் அது விரிவடையும் வீதம் குறைவடையக் கூடும். கடந்த சில பில்லியன் வருடங்களாக இந்தக் கரும் சக்தியின் துணையுடன் தான் பிரபஞ்ச விரிவாக்க வேகம் அதிகரித்து அல்லது ஆர்முடுகிக் கொண்டு வருகின்றது.

முதலில் கரும் சக்தி என்றால் என்ன? நிச்சயம் இது என்னவென்று நமக்குத் தெரியாது. இந்த ஒரு கூறுக்கு நாம் பெயர் வழங்கியுள்ளோம் என்பதால் அது என்ன என்பது குறித்து நாம் புரிந்து கொண்டுள்ளோம் என அர்த்தமாகி விடாது. பிரபஞ்சவியலில் (Cosmology) சில அவதானங்களை விளக்க நாம் கணிதவியல் சமன்பாடு மூலம் அறிந்துள்ள இரு கூறுகள் தான் கரும் சக்தியைத் தீர்மானிக்கின்றது. முதலாவது ஈர்ப்பு சக்தியுடனான அதன் தாக்கம் மற்றும் இரண்டாவது பிரபஞ்ச விரிவாக்கத்துடன் அதன் அடர்த்தி எவ்வாறு வேறுபடுகின்றது என்பது.

ஈர்ப்பு விசைக்கு மாற்றான விலக்கு விசையாக (Repulsive force - உதாரணத்துக்கு கடலில் அதன் ஈர்ப்புக் காரணமாக மூழ்குவதற்குப் பதில் மேல் எழும் நீர்க்குமிழிகளுக்கு ஒப்பான ..) பிரபஞ்சவியலில் அறியப் படும் கரும் சக்தியின் அடர்த்தி விரிவடையும் பிரபஞ்சத்தில் ஒரு மாறிலியாகக் (Constant) காணப்படுகின்றது. கரும் சக்தியின் இந்த அடிப்படைத் தன்மைகள் விரிவடையும் பிரபஞ்சம் தொடர்பான கணிதவியல் புரிதலுக்குத் தேவையான அனைத்தையும் கொண்டுள்ளன.

கரும் சக்தியின் அடர்த்தியானது பிரபஞ்சத்தின் ஏனைய அனைத்துக் கூறுகளினதும் அடர்த்தியை முழுமையாக ஆக்கிரமிக்கும் கட்டம் வரை பிரபஞ்சம் விரிவடைந்து விட்டால் அதன் விலக்கு விசை ஈர்ப்பு விசையை மிஞ்சி விடும். இதனால் ஈர்ப்பு விசை காரணமாகவும், அதன் விலக்கு விசையான கரும் சக்தி அதில் செலுத்தும் செல்வாக்குக் காரணமாகவும் பிரபஞ்சத்தின் விரியும் வேகமானது அதிகரிக்கச் (accelerating) செய்யும்.

இதே நாம் நேர் எதிர்த் திசையில் கடந்த காலத்துக்குச் சென்றால் பிரபஞ்சத்தின் தோற்ற (பெருவெடிப்பு - BigBang) சமயத்தில் பிரபஞ்சம் மிகவும் வெப்பமாகவும், இன்றிருப்பதை விட மிக மிக அடர்த்தியானதாகவும் இருந்துள்ளது. ஆனால் எப்போதும் கரும் சக்தியின் அடர்த்தி சமம் என்பதால் பிர்பஞ்சத்தின் மிகவும் முற்பட்ட காலத்தில் கரும் சக்தியின் பங்களிப்பு மிகத் திருத்தமாகப் புறக்கணிக்கப் படக் கூடியது ஆகும். எனவே பிரபஞ்சத்தின் ஆரம்பக் கட்டங்களில் கரும் சக்திக்கு எந்தவொரு வேலையும் இருந்திருக்காது என ஊகிக்க முடியும். என்றாலும் அதன் தோற்றத்தில் கரும் சக்திக்குப் பங்கு இல்லையா என்பது குறித்து நிச்சயமாக சொல்ல முடியாது.

மீண்டும் முந்தைய விளக்கத்துக்கு வருவோம். நிகழ்காலத்தில் எமக்கு கரும் சக்தி என்றால் என்னவென்று திருத்தமாகத் தெரியாது. மேலே விளக்கப் பட்ட அதன் அம்சங்கள் இன்றைய பிரபஞ்சத்தின் அறியப் படாத தொகுதிகளை விளக்கப் பயன் படுத்தப் பட்டவை. இந்த அறியப் படாத தொகுதிகளை விளக்கும் கணிதவியல் சமன்பாடுகள் மூலம் பிரபஞ்சத்தின் செயற்பாட்டை யதார்த்தத்துடன் பொருந்தக் கூடிய கணிப்புக்களை வழங்க எமக்குக் கரும் சக்தி தேவைப் பட்டது. ஆனால் இந்தக் கணித சமன்பாடுகள் கரும் சக்தி என்றால் என்னவென்று நமக்குப் புலப் படுத்தாது. எனவே இந்தக் கரும் சக்தி குறித்து நாம் பின்வரும் கருதுகோள்களில் ஒன்றா எனப் பொருத்திப் பார்த்தாலும் எமக்குத் தெளிவான பதில் இன்னமும் கிடைக்கவில்லை.

அந்த முக்கிய கருதுகோள்கள் இவை :

1.அது அண்டவியல் மாறிலியா? (Cosmological constant)
2.இது வெற்றிடத்தின் பூஜ்ஜிய புள்ளி ஆற்றலின் வெளிப்பாடா? (manifestation of the vacuum zero-point energy?)
3.இது ஒரு அளவிடல் புலத்துடன் தொடர்புடைய சாத்தியமான ஆற்றலா? (potential energy associated with a scalar field?)

- 4தமிழ்மீடியாவுக்காக நவன்

Source - Quora

மின்னஞ்சலில் பதிவுகள் பெறுவதற்கு :

இவற்றையும் பார்வையிடுங்கள்

இசையமைப்பாளர், நடிகர் ஜி.வி.பிரகாஷ் நடிப்பில் உருவாகி வரும் ‘பேச்சிலர்’படத்தின் டீஸர் வெளியாகி ரசிகர்களிடம் மிகப்பெரிய வரவேற்பைப் பெற்றது. தற்போது இதே படக்குழு, பூர்னேஷ் மற்றும் ஷிவானி நாராயணன் இணைந்து நடித்துள்ள ‘போதையில் தள்ளாதே’ ரொமான்டிக் சிங்கிள் தனியிசைப் பாடலை வெளியிட்டிருக்கிறது.

கடந்த இரு வாரங்களுக்கு முன் முடிவுக்கு வந்த லொகார்னோ சர்வதேச திரைப்பட விழாவில், இம்முறை கொரோனா காரணமாக, இணைய வழி திரைக்காட்சிகளே அதிகம் இடம்பெற்றிருந்தன.

சாதிய வன்மத்தின் முகம் தமிழகத்தில் புரையோடிக் கிடக்கிறது என்பதற்கு அரக்கோனத்தை அடுத்த சோகனூர் கிராமம் உதாரணமாகியிருக்கிறது. நடந்து முடிந்த தமிழகச் சட்டமன்றத் தேர்தலுக்குப் பின்னரான சாதிய வன்முறையில் இரண்டு தலித் இளைஞர்கள் அங்கே அடித்து கொலை செய்யப்பட்டிருக்கிறார்கள்.

கொரோனா முதல் அலையின் போதும் பில் கேட்ஸின் தலை உருண்டது. அதேபோல் தற்போதைய இரண்டாம் அலையில் கோவிட் 19 தடுப்பூசிகள் குறித்த ஒரு விவாதம் வந்த பொழுது எப்படி அதில் பில்கேட்ஸ் சம்பந்தப்பட்டிருக்குறார் என்று ‘இல்லுமினாட்டி, கான்பிரேசி கோட்பாடு’என்றெல்லாம் சில நெட்டிசன்கள் இணையத்தில் கூக்குரல் எழுப்பிக்கொண்டிருந்தார்கள்.

கடந்த தொடரில் Starshot விண்வெளிப் பயண செயற்திட்டம் தொடர்பான விரிவான தகவல்களைப் பார்த்தோம். அதன் தொடர்ச்சி இனி..

முந்தைய தொடருக்கான இணைப்பு -

நாம் தனிமையில் இல்லை..! : பாகம் -10 (We are Not Alone - Part 10)

ஒட்டுமொத்த உலகமும் தற்போது இந்தியாவை நோக்கி தன்னுடைய அனுதாபப் பார்வையைத் திருப்பியிருக்கிறது. முதல் அலைக் கொரோனா தாக்குதலை ஓரளவுக்கு சமாளித்த இந்தியா, ஐந்து மாநிலத் தேர்தல்களை நடத்துவதில் அலட்சியம், கும்பமேளா போன்ற பிரம்மாண்ட சமய நிகழ்ச்சிகள் காரணமாக இரண்டாம் அலை கோரோனா 750 வகையான மரபுதிரிபுகளோடு வேகமாக பரவி வருகிறது.

உழைப்பாளர் தினத்தில் இலங்கையிலிருந்து வெளியாகியுள்ள கானொளிப்பாடல் கோமாளி (The Buffoon ). உழைக்கும் மக்களின் துயர், அதிகாரத்தின் அராஜகம், ஜனநாயகத்தின் ஏமாற்றம், மக்களின் விடிவு என்பன குறித்துப் பேசும் வரிகளுடனும், தனித்துவமான இசையுடனும் வெளிவந்திருக்கிறது.