உலகம்

உலகின் மிகவும் செல்வந்த நகரங்களின் இவ்வாண்டுக்கான பட்டியல் வெளியீடப்பட்டுள்ளது.

இதில் மூன்று நகரங்கள் முதலாம் இடத்தில் உள்ளன. 2020 ஆண்டிற்கான ஒரு புதிய வாழ்க்கை செலவு அறிக்கையின்படி இப்போது ஹாங்காங், சூரிச் மற்றும் பாரிஸ் ஆகியவை அப்பட்டியலில் வரிசைப்படுத்தப்பட்டுள்ளன.

கடந்த ஆண்டு ஹாங்காங்குடன் சமமாக இருந்த சிங்கப்பூர் மற்றும் ஒசாகா ஆகிய நகரங்கள் தரவரிசையில் பின் தள்ளப்பட்டுள்ளன.

கோவிட் -19 தொற்றுநோய் தாக்கத்தால் சிங்கப்பூரின் வெளிநாட்டு தொழிலாளர்கள் நாட்டை விட்டு வெளியேறியதால் பொருளாதாரம் வீழ்ச்சியடைந்திருப்பதாக பொருளாதார நிபுணர் புலனாய்வு பிரிவின் ஆண்டு ஆய்வறிக்கை தெரிவித்துள்ளது.

கடந்த ஆண்டுகளில் ஆசிய நகரங்கள் பாரம்பரியமாக தரவரிசையில் ஆதிக்கம் செலுத்தியுள்ளன, ஆனால் தொற்றுநோய் தாக்கம் இந்த தரவரிசை பட்டியலை மாற்றியமைத்துள்ளது என EIU இன் உலகளாவிய வாழ்க்கை செலவுத் தலைவரான உபாசனா தத் கூறியுள்ளார்.

மேலும் அமெரிக்க-சீனா தொழில்நுட்ப யுத்தத்தின் காரணமாக பெரும்பாலான சீன நகரங்கள் தரவரிசையில் முன்னிலையில் உள்ளன. இது விநியோகச் சங்கிலிகளின் பின்னடைவை சோதித்து நுகர்வோர் விலையை உயர்த்தியுள்ளது எனவும் தெரிவிக்கப்படுகிறது.

2020 ஆம் ஆண்டுக்கான உலகின் செல்வந்தம் மிக்க நகரங்களாக முதல் பத்து இடங்களை பிடிக்கும் பட்டியல் இதோ:

1. பாரிஸ். பிரான்ஸ்
1. ஹாங்காங்
1. சூரிச், சுவிஸ்சிலாந்து
4. சிங்கப்பூர்
5. ஒசாகா, ஜப்பான்
5. டெல் அவிவ், இஸ்ரேல்
7. ஜெனீவா, சுவிஸ்சிலாந்து
8. நியூயோர்க் சிட்டி
9. கோபன்ஹேகன், டென்மார்க்
10. லாஸ் ஏன்சல்ஸ்

இவற்றையும் பார்வையிடுங்கள்

நாடு முழுவதும் கொரோனா வைரஸ் தொற்று பிரதேசமாக பெயரிடப்பட்டுள்ள நிலையில் நாட்டில் அனைத்து மக்களும் சுகாதார வழிமுறைகளை பின்பற்றுவது கண்டிப்பானதாகும் என பொலிஸ் ஊடகப் பேச்சாளர் அஜித் ரோஹண தெரிவித்துள்ளார். 

வங்கக் கடலில் நிலைகொண்டிருக்கும் காற்றழுத்த தாழ்வு மண்டலம் ஆழ்ந்த காற்றழுத்த தாழ்வு மண்டலமாக மாறியுள்ளதுடன், அடுத்த 12 மணி நேரத்தில் கடும் புயலாக மாறும் வாய்ப்புள்ளதாக வானிலை அவதான நிலையம் தெரிவிக்கிறது. 

இந்திய வானிலை மையம் அறிவித்துள்ள அறிக்கையின் படி வங்கக்கடலில் நிலைகொண்டிருந்த காற்றழுத்த தாழ்வு மண்டலம் ஆழ்ந்த காற்றழுத்த தாழ்வு மண்டலமாகியுள்ளது.

நிறைவேற்றப்பட்ட வேளாண் சட்டங்களை எதிர்த்து ஒரு தரப்பு விவசாயிகள் 5வது நாளாக இந்தியாவின் டெல்லி நோக்கிய எதிர்ப்பு பேரணியில் ஈடுபட்டு வருகின்றனர்.

ஐரோப்பிய நாடுகளின் தற்போதைய பெரும் கவலை, நத்தார் புதுவருடக் கொண்டாட்டங்களை எவ்வாறு கோவிட் - 19 வைரஸ் தொற்றுப் பாதுகாப்புக்களுடன் கொண்டாட மக்களை ஒருங்கமைப்பது என்பதாகும்.

ரஷ்யா தனது S-300V4 ரக நவீன ஏவுகணைப் பாதுகாப்பு பொறிமுறையை ஜப்பானின் சர்ச்சைக்குரிய தீவுகளின் தொகுதி அருகே நிலை நிறுத்தியிருப்பதாக செவ்வாய்க்கிழமை அறிவித்துள்ளது.