உலகம்

ஜனவரி 20 ஆம் திகதி அமெரிக்காவின் புதிய அதிபராகப் பதவியேற்றுக் கொள்ளும் விழாவில் கலந்து கொண்டிருந்த போது அதிபர் ஜோ பைடென் சுவிட்சர்லாந்து தயாரிப்பான சுமார் $7000 டாலர் பெறுமதியான றோலெக்ஸ் கடிகாரத்தை அணிந்திருந்தது அனைவரின் கவனத்தையும் ஈர்த்துள்ளது.

ஆனால் இது குறித்து யாரும் பெரிதாக கருத்துத் தெரிவிக்கவில்லை. சமீப காலமாக அமெரிக்காவில் புதிய அதிபராகப் பதவியேற்ற எவரும் , பதவியேற்பு விழாவில் சுவிட்சர்லாந்தில் தயாரிக்கப் பட்ட கடிகாரத்தை அணியவில்லை. மாறாக அமெரிக்காவில் தயாரிக்கப் பட்ட உள்ளூர் கடிகாரங்களையே அணிந்திருந்தனர். மேலும் கடிகாரத் தயாரிப்பு தொழில் துறையை அமெரிக்காவில் முன்னேற்றமடையச் செய்ய வேண்டும் என்பதை நோக்கமாகக் கொண்டிருக்கும் அதிபர் பைடெனும் ஏன் சுவிஸ் றோலெக்ஸை அணிந்திருந்தார் என்பதே பலரது வியப்புக்குக் காரணமாகியுள்ளது.

அமெரிக்காவின் முன்னால் அதிபர்களில் டுவைட் எயிசென்ஹோவெர், லிண்டன் பி ஜோன்சன் மற்றும் றொனால்டு ரீகன் ஆகியோரும் தமது பதவியேற்பு விழாவில் றோலெக்ஸ் கடிகாரத்தைத் தான் அணிந்திருந்தனர். ஆனால் அதிபர் பில் கிளிண்டன் முதல் பதவியேற்ற யாருமே உள்ளூரில் தயாரிக்கப் பட்ட கடிகாரத்தைத் தான் அணிந்திருந்தனர்.

அதிலும் முன்னால் அதிபர் ஜோர்ஜ் W புஷ் பதவியேற்பு விழாவில் அணிந்திருந்த டிமெக்ஸ் மாடலானது $50 டாலர்களுக்கும் குறைவானது என்பது ஆச்சரியத்துக்குரியதே ஆகும்.

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

  இணைப்பினில் அழுத்தி  புதிய கானொளிகள் பார்த்து மகிழுங்கள்

மின்னஞ்சலில் பதிவுகள் பெறுவதற்கு :

இவற்றையும் பார்வையிடுங்கள்

வலிந்து காணாமல் ஆக்கப்பட்டவர்களின் உறவுகளை சந்திப்பதாக இலங்கை ஜனாதிபதி கோட்டபாய ராஜபக்ஷ தெரிவித்த கருத்திற்கு தாம் ஆதரவளிப்பதாக திருகோணமலை மாவட்ட காணாமல் ஆக்கப்பட்ட உறவுகள் சங்கத்தின் தலைவி நாகேந்திரன் ஆஷா தெரிவித்துள்ளார். 

உயிர்த்த ஞாயிறு தினத் தாக்குதல்களை தடுக்கத் தவறியமை தொடர்பில் முன்னாள் ஜனாதிபதி மைத்திரிபால சிறிசேனவுக்கு எதிராக சட்ட நடவடிக்கை எடுப்பதா, இல்லையா? என்பதை உயர்நீதிமன்றமே தீர்மானிக்கும் என்று நீதி அமைச்சர் அலி சப்ரி தெரிவித்துள்ளார். 

முள்ளிவாய்க்காலில் ஈழத்தமிழர்கள் கொத்துக் கொத்தாகப் படுகொலை செய்யப்பட்டுக் கொண்டிருந்த நேரத்தில் அதற்கு எதிராகத் தமிழகத்தில் பல கட்சித் தலைவர்களையும் ஒருங்கிணைத்து இலங்கை தமிழர் பாதுகாப்பு இயக்கத்தினை உருவாக்குவதற்கு அச்சாணியாகத் திகழ்ந்தவர் தோழர் தா.பாண்டியன் அவர்களிற்கு இறுதி வணக்கம் என தமிழீழ விடுதலைப் புலிகளின் அனைத்துலகத் தொடர்பகம் விடுத்திருக்கும் அஞ்சலிக் குறிப்பில் தெரிவிக்கப்பட்டிருக்கிறது.

இந்தியாவில் 60 வயதுக்கு மேற்பட்டோருக்கு கொரோனா தடுப்பூசி போடும் பணி இன்று முதல் தொடங்கியுள்ள நிலையில், இன்று பிரதமர் நரேந்திர மோடி கொரோனா தடுப்பூசி போட்டுக் கொண்டார்.

ஐரோப்பிய ஆணையத்தால் வகுக்கப்படவுள்ள புதிய திட்டத்தில் டிஜிட்டல் தடுப்பூசி பாஸ்போர்ட் அறிமுகமாகவுள்ளது.

சுவிற்சர்லாந்தில் மார்ச் 5ம் திகதி நண்பகலில் ஒரு நிமிடம் மௌனத்தைக் கடைப்பிடித்து அமைதிகொள்ள சுவிஸ் மத்திய கூட்டாட்சி அமைப்பின் தலைவர் பார்மலின் அழைப்பு விடுத்துள்ளார்.