உலகம்

கிழக்கு இந்தோனேசியாவில் பருவ மழை காரணமாக ஏற்பட்ட வெள்ளப் பெருக்கு மற்றும் நிலச்சரிவுகளில் சிக்கி குறைந்தது 55 பொது மக்கள் கொல்லப் பட்டுள்ளதாகவும், 40 பேரைக் காணவில்லை என்றும் அறிவிக்கப் பட்டுள்ளது.

மேலும் ஆயிரக் கணக்கான மக்கள் இடம்பெயர்ந்துள்ளனர்.

ஒரு சில இடங்களில் 10 000 இற்கும் மேற்பட்ட மக்கள் இடம்பெயர வேண்டிய சூழல் ஏற்பட்டுள்ளதாகவும், மீட்புப் பணிகள் தீவிரமாக முடுக்கி விடப் பட்டுள்ளதாகவும் அறிவிக்கப் பட்டுள்ளது. இந்தோனேசிய அனர்த்த முகாமை அமைப்பு சமீபத்தில் வெளியிட்ட தகவலில், பலியானவர்கள் எண்ணிக்கை இன்னும் அதிகரிக்க வாய்ப்புள்ளதாக அறிவிக்கப் பட்டுள்ளது. தொடர்ந்து நிலவி வரும் மோசமான காலநிலை மீட்புப் பணியில் பெரும் சிரமத்தை ஏற்படுத்தியுள்ளது.

கடும் வெள்ளப் பெருக்கு காரணமாக பல இடங்களில் வீடுகளும், பாலங்களும் சேதமடைந்துள்ளன. சில இடங்களில் சாலைகள் துண்டிக்கப் பட்டுள்ளன என்றும் போலிசார் எச்சரிக்கை விடுத்துள்ளனர். இந்தோனேசியா உலகில் ஒவ்வொரு வருடமும் பருவ மழை காரணமாக வெள்ளப் பெருக்கை சந்தித்து வரும் நாடுகளில் ஒன்றாகும்.

கடந்த வருடத் தொடக்கத்தில் ஏற்பட்ட வெள்ளப் பெருக்கு காரணமாக இலட்சக் கணக்கான மக்கள் பாதிக்கப் பட்டனர்.

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

  இணைப்பினில் அழுத்தி  புதிய கானொளிகள் பார்த்து மகிழுங்கள்

மின்னஞ்சலில் பதிவுகள் பெறுவதற்கு :

இவற்றையும் பார்வையிடுங்கள்

கொரோனா வைரஸ் தொற்று அதிகரித்துள்ள நிலையில், மருத்துவ மற்றும் சுகாதார அதிகாரிகளின் ஆலோசனையின் அடிப்படையில் முடிவுகளை எடுக்காவிட்டால் நாடு பாரிய ஆபத்திற்கு முகம் கொடுக்கும் என்று முன்னாள் பிரதமர் ரணில் விக்ரமசிங்க எச்சரித்துள்ளார். 

மாகாணங்களுக்கு இடையிலான பயணத்தடை நேற்று திங்கட்கிழமை இரவு முதல் அமுலுக்கு வந்துள்ளது. 

இந்தியாவைக் கடுமையாகத் தாக்கிவ வரும், கொரோனா வைரஸ் பெருந்தொற்று நோயை எதிர்கொள்ள ஒருபோதும் நாம் தயாராக இல்லை என்பதை ஒப்புக் கொள்ள வேண்டும் என நடிகர் சோனு சூட் தெரிவித்துள்ளார்.

தமிழகத்தில் நேற்று முதல் நடைமுறைக்கு வந்திருக்கும் பொது முடக்க விதிகளைப் பொதுமக்கள் மதித்து நடக்கையில், அதனை மீறி, அதிமுக சட்டமன்ற உறுப்பினர்கள் கூட்டத்தை நடத்தியதாக ஓபிஎஸ், இபிஎஸ் உள்ளிட்ட 250 பேர் மீது காவல்துறையினர் வழக்குப்பதிவு செய்துள்ளனர்தாக அறிய வருகிறது.

சுவிற்சர்லாந்தில் நடைபெறும் தடுப்பூசி மையங்களுக்கு வரமுடியாதவர்களுக்கு, அவர்கள் இடங்களுக்கே சென்று தடுப்பூசி போடும் திட்டத்தினை, மே 18 முதல் வோ மாநிலம் ஆரம்பிக்கிறது.

இத்தாலியில் கொரோனா வைரஸ் தொற்றுக்களின் எண்ணிக்கை குறைந்து வருவதால், அடுத்து அரசு என்னென்ன கொரோனா பாது காப்புவிதிகளை தளர்த்தும் ? எனும் பெரும் எதிர்பார்ப்பு உள்ளது.