உலகம்

இவ்வருடம் பெப்ரவரி 18 ஆம் திகதி செவ்வாய்க் கிரகத்தின் ஜெஷெரோ பள்ளத்தாக்கில் வெற்றிகரமாக நாசாவின் அதி நவீன பெர்சேவெரன்ஸ் விண்கலம் தரையிறங்கியிருந்தது.

இந்த விண்கலத்தின் சிறப்பம்சங்களில் ஒன்று அதில் அடங்கியிருக்கும் தானியங்கி சிறிய ரோபோ ஹெலிகாப்டரான இன்கெனியூட்டி ஆகும்.

இந்த ஹெலிகாப்டர் பெர்செவரன்ஸில் இருந்து வெற்றிகரமாக பிரிந்து ஏப்பிரல் 4 ஆம் திகதி அதாவது நேற்று ஞாயிற்றுக்கிழமை செவ்வாயின் தரையில் இறங்கியுள்ளது. இன்கெனியூட்டி தான் செவ்வாய்க் கிரகத்தில் மட்டுமன்றி மனிதனால் வேறு ஒரு கிரகத்துக்கு அனுப்பப் பட்ட முதல் தானியங்கி டிரோன் வகை ஹெலிகாப்டர் என்பது குறிப்பிடத்தக்கது. ஆனாலும் தற்போது செவ்வாயின் தரையில் இருக்கும் இந்த இன்கெனியூட்டி ஹெலிகாப்டர் இன்னும் ஒரு வாரத்தில் ஏப்பிரல் 11 ஆம் திகதிக்குப் பின்பு தான் செவ்வாயின் வளிமண்டலத்தில் பறக்கவுள்ளது.

பூமியில் இருந்து 471 மில்லியன் கிலோ மீட்டர் தூரத்தில் உள்ள செவ்வாய்க் கிரகத்தில் தரையிறங்கியிருக்கும் இந்த பெர்செவெரன்ஸ் விண்கலத்தின் இன்கெனியூட்டி ஹெலிகாப்டர் ஆனது குறைந்தது 31 நாட்கள் செவ்வாய்க் கிரகத்தில் ஆய்வுகளை மேற்கொள்ளும் எனக் கணிப்பிடப் பட்டுள்ளது. ஆயினும் இந்த ஹெலிகாப்டர் ஆனது செவ்வாய்க் கிரகத்தில் இரவு நேரத்தில் நிலவும் கடும் குளிரைத் தாங்குவது என்பது மிகச் சவாலான ஒன்றாக இருக்கும் என்று கூறப்படுகின்றது.

சுமார் -90 டிகிரி செல்சியஸ் குளிரை சமாளிக்க இந்த ஹெலிகாப்டர் தன்னைத் தானே சூடாக வைத்திருக்கும் விதத்தில் சார்ஜ் செய்துகொள்ளக் கூடிய ஒரு தொழிநுட்பத்தைக் கொண்டுள்ளது. பெர்செவெரன்ஸ் விண்கலம் தரையிறங்கிய ஜெஷெரோ பள்ளத்தாக்கானது மிகவும் கரடு முரடானது ஆகும். எனவே இந்த விண்கலம் நகரக் கடினமான இடங்களுக்கு பறந்து சென்று துல்லியமான புகைப் படங்களை எடுத்து ஆய்வு செய்வது என்பது முக்கியமானதாகும்.

இதற்குப் பயன்படும் விதத்தில் தான் இன்கெனியூட்டி டிரோன் ஹெலிகாப்டர் தயாரிக்கப் பட்டுள்ளது. இந்நிலையில் வெற்றிகரமாக இந்த ஹெலிகாப்டர் தரையிறங்கியிருக்கும் போதும் அது தொடர்ந்து செயற்படுவது என்பதும் மிகவும் கடினமான ஒன்று தான் என நாசாவின் JPL ஆய்வு கூட விஞ்ஞானிகள் தெரிவித்துள்ளனர்.

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

  இணைப்பினில் அழுத்தி  புதிய கானொளிகள் பார்த்து மகிழுங்கள்

மின்னஞ்சலில் பதிவுகள் பெறுவதற்கு :

இவற்றையும் பார்வையிடுங்கள்

கொரோனா வைரஸ் தொற்று அதிகரித்துள்ள நிலையில், மருத்துவ மற்றும் சுகாதார அதிகாரிகளின் ஆலோசனையின் அடிப்படையில் முடிவுகளை எடுக்காவிட்டால் நாடு பாரிய ஆபத்திற்கு முகம் கொடுக்கும் என்று முன்னாள் பிரதமர் ரணில் விக்ரமசிங்க எச்சரித்துள்ளார். 

மாகாணங்களுக்கு இடையிலான பயணத்தடை நேற்று திங்கட்கிழமை இரவு முதல் அமுலுக்கு வந்துள்ளது. 

இந்தியாவைக் கடுமையாகத் தாக்கிவ வரும், கொரோனா வைரஸ் பெருந்தொற்று நோயை எதிர்கொள்ள ஒருபோதும் நாம் தயாராக இல்லை என்பதை ஒப்புக் கொள்ள வேண்டும் என நடிகர் சோனு சூட் தெரிவித்துள்ளார்.

தமிழகத்தில் நேற்று முதல் நடைமுறைக்கு வந்திருக்கும் பொது முடக்க விதிகளைப் பொதுமக்கள் மதித்து நடக்கையில், அதனை மீறி, அதிமுக சட்டமன்ற உறுப்பினர்கள் கூட்டத்தை நடத்தியதாக ஓபிஎஸ், இபிஎஸ் உள்ளிட்ட 250 பேர் மீது காவல்துறையினர் வழக்குப்பதிவு செய்துள்ளனர்தாக அறிய வருகிறது.

சுவிற்சர்லாந்தில் நடைபெறும் தடுப்பூசி மையங்களுக்கு வரமுடியாதவர்களுக்கு, அவர்கள் இடங்களுக்கே சென்று தடுப்பூசி போடும் திட்டத்தினை, மே 18 முதல் வோ மாநிலம் ஆரம்பிக்கிறது.

இத்தாலியில் கொரோனா வைரஸ் தொற்றுக்களின் எண்ணிக்கை குறைந்து வருவதால், அடுத்து அரசு என்னென்ன கொரோனா பாது காப்புவிதிகளை தளர்த்தும் ? எனும் பெரும் எதிர்பார்ப்பு உள்ளது.