முற்றம்

அரபுலக வரலாற்றில் முதன்முறையாக 15 பெண் தீயணைப்பு வீராங்கனைகளைக் கொண்ட தீயணைப்பு படை ஒன்று அஜ்மானில் உருவாக்கப்பட்டுள்ளது.

சிவில் பாதுகாப்புத்துறையின் கட்டுப்பாட்டின் கீழ் இயங்கும் அமீரகத் தீயணைப்புத் துறைக்கு இதுவரை ஆண்களை மட்டுமே தேர்ந்தெடுத்து வந்தனர். ஆனால் இம்முறை அமீரகத்தைச் சேர்ந்த 15 பெண்கள் தேர்வு செய்யப்பட்டு அவர்களுக்கு பயிற்சி அளிக்கப்பட்டு பணியில் இணைத்துக்கொள்ளப்பட்டிருப்பது உலக அளவில் கவனத்தை ஈர்த்து வருகிறது.

மத்திய கிழக்கில் தீயணைப்புத் துறையில் பெண்களையும் இணைத்த முதல் நாடு என்னும் பெருமையை இதன்மூலம் அமீரகம் பெற்றுவிட்டது. தீயணைப்பு வீராங்கனையாகப் பயிற்சி பெற்ற 15 பெண்களும் இதுபற்றி ஊடகங்களிடம் கூறும்போது: “கடின உழைப்பின் மூலம் நாங்கள் சிவில் பாதுகாப்புத் துறையில் இணைந்துள்ளோம். இளம் சிறுமியர்கள் மற்றும் பெண்கள் தடைகளைத் தாண்டி தாங்கள் விரும்பியதை சாதிக்க முடியும் என்பதற்கு நாங்கள் தற்போது சாட்சியாக இருக்கிறோம். எங்களுக்கு இந்த வாய்ப்பை வழங்க முன்வந்த அமீரகத்தின் துணைப் பிரதமரும் உட்கட்டமைப்புத்துறை அமைச்சருமான லெப்டினன்ட் கர்னல் ஷேக் சையீப் பின் சயீத் அல் அவர்களுக்கு நன்றி தெரிவிக்கக் கடமைப்பட்டுள்ளோம்.” என தெரிவித்திருக்கிறார்கள்.

அதேபோல,“இந்தப் பெண்களை பணியில் சேர்த்துக்கொள்ள ஆர்வமாக இருக்கிறோம். ராணுவ பயிற்சி மற்றும் வேலை சார்ந்த பிரச்சினைகளை சமாளிக்கும் பயிற்சி உள்ளிட்ட பல கடினமான பயிற்சி வகுப்புகளில் தேர்ச்சி பெற்ற பின்னரே அவர்களால் இந்த இடத்திற்கு வர முடிந்திருக்கிறது. தீயணைப்பு பெண்கள் குழுவிற்கு தகுந்த பெண்களைத் தேர்ந்தெடுக்கும் வழிமுறைகள் கடுமையாக பின்பற்றப்பட்டன. நல்ல ஆரோக்கிரயம் மற்றும் திடமான உடற்கட்டு ஆகியவை இதில் பிரதான தேர்ந்தெடுக்கும் காரணிகளாகத் திகழ்கின்றன” என அமீரக சிவில் பாதுகாப்புத்துறை அதிகாரி அல் நஹாயான் தெரிவித்திருக்கிறார்.

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

மின்னஞ்சலில் பதிவுகள் பெறுவதற்கு :

இவற்றையும் பார்வையிடுங்கள்

தமிழகத்தின் ஆட்சியை பத்து ஆண்டுகால காத்திருக்குப் பின் திராவிட முன்னேற்றக் கழகம் (திமுக) கைப்பற்றியிருக்கின்றது. கலைஞர் மு.கருணாநிதியின் மறைவுக்குப் பின்னர், திமுகவின் தலைமைப் பொறுப்பிற்கு வந்தவர் மு.க.ஸ்டாலின்.

மன்னார் கத்தோலிக்க மறைமாவட்ட ஓய்வுநிலை ஆயர் இராயப்பு ஜோசப் ஆண்டகை அவர்கள் கடந்த வியாழக்கிழமை (ஏப்ரல் 01) காலமானார். இளைமைக் காலத்திலேயே தன்னை இறைபணிக்காக ஒப்புக்கொடுத்த அவர், இறைபணி என்பது அல்லற்படும் மக்களுக்கான பணியே என்பதற்கான உதாரணமாக இறுதி வரை வாழ்ந்தவர்.

தமிழ் சினிமாவில் முன்னணி இயக்குநராக வலம் வருபவர் எஸ்.பி.ஜனநாதன். தற்போது விஜய் சேதுபதி நடித்து வரும் ‘லாபம்’ படத்தை இயக்கியுள்ளார். இதன் படப்பிடிப்பு முடிவுற்று, இறுதிக்கட்டப் பணிகள் மும்முரமாக நடைபெற்று வருகின்றன.

அன்மையில் ஐரோப்பிய நாடொன்றில் பிறந்து வளர்ந்து கல்வி கற்று, ஒரு சிறப்பான பதவி வகிக்கும் இளம் யுவதியோடு பேசிக்கொண்டிருக்கையில், தனக்கு அன்மையில் கிடைக்க வேண்டியிருந்த பதவி உயர்வு தவிர்க்கப்பட்டதை வருத்தத்துடன்  கூறினாள்.