சுவிற்சர்லாந்தில், டெல்டா பிறழ்வு வேகமாக பரவி கோடையின் முடிவில் ஆதிக்கம் செலுத்தும் என்று சுவிஸ் தொற்றுநோயியல் நிபுணர்கள் கணித்துள்ளனர். சுவிஸில் தற்போது 70 சதவீதத்திற்கும் அதிகமான புதிய தொற்றுக்களை டெல்டா பிறழ்வு கொண்டுள்ளது.
ஜூலை மாத தொடக்கத்தில் சுமார் 30 சதவிகித புதிய வழக்குகளில் இருந்து, இந்த மாறுபாடு இப்போது 70.1 சதவிகிதமாக உள்ளது, இது ஆரம்பத்தில் கணித்ததை விட விரைவாக பரவுகிறது என்று சுவிஸின் மத்திய சுகாதார மையத்தின் (FOPH) புள்ளிவிவரங்கள் தெரிவிக்கின்றன.
மிகவும் தீவிரமாகத் தொற்றும் டெல்டாவின் பரவலானது சுவிட்சர்லாந்தில் கண்டறியப்பட்ட புதிய நிகழ்வுகளுடன் தொடர்புடையது எனவும் அவை ஜூன் மாத இறுதியில் இருந்து மூன்று மடங்காக அதிகரித்துள்ள என்றும் தெரிவிக்கப்படுகிறது.
நடிகர் விஜய்க்கு 1 லட்ச ரூபாய் அபராதம் விதித்த நீதிமன்றம் !
இதேவேளை, சுவிற்சர்லாந்தில், ஸ்பூட்னிக் உட்பட சுவிற்சர்லாந்தில் அங்கீகரிக்கப்படாத வெளிநாட்டு தடுப்பூசிகளைப் பெறுபவர்களுக்கு சுகாதார அமைச்சகம் சுகாதார பாஸ்போர்ட்டை வழங்காது. சீன தடுப்பூசிகளான சினோவாக் மற்றும் சினோபார்ம் ஆகியவற்றுக்கும் இது பொருந்தும் என அறிவிக்கப்பட்டுள்ளது.
வசந்த காலத்தில் சுவிற்சர்லாந்தில் தடுப்பூசிகள் குறைவாக இருந்தபோது, சில குடியிருப்பாளர்கள் தடுப்பூசிகளைப் பெறுவதற்காக வெளிநாடு சென்றனர். சிலர் ரஷ்யாவுக்குச் சென்று ஸ்பூட்னிக் வி தடுப்பூசிகளைப் பெற்றமை குறிப்பிடத்தக்கது. அவர்கள் வெளிநாடு சென்று தடுப்பூசி போட்டுக் கொணடது பிரச்சினை அல்ல, மாறாக பயன்படுத்தப்படும் தடுப்பூசிகளின் வகையே சிக்கலானது.
இத்தாலியின் வெற்றியும் விளைவும் !
சுவிஸ் அதிகாரிகளால் அங்கீகரிக்கப்பட்ட தடுப்பூசிகளான மாடர்னா, ஃபைசர்-பயோன்டெக், அஸ்ட்ராஜெனெகா அல்லது ஜான்சன் & ஜான்சன் என்பவை மட்டுமே நோய்த்தடுப்பு மருந்துகளாகக் கருதப்பட்டு சுவிஸ் கோவிட் சான்றிதழ் வழங்கப்படும் என தெரிவிக்கப்பட்டுள்ளது.
Comments powered by CComment