நவராத்திரியில் கல்வி பலம் வேண்டித் துதிக்கும் சரஸ்வதி தேவி வழிபாடாக மூன்றாம் அடுக்கு இரவுகளான , ஏழாம், எட்டாம், ஒன்பதாம் இரவுகள் அமைகின்றன. இவை எவ்வாறான வழிபாட்டுப் பேற்றினைத் தருமெனப் பார்க்கலாம்.

நவராத்திரியில், இரண்டாம் அடுக்காக வரும் மூன்று இராத்திரிகள் சக்தியை இலட்சமீகரம் தரும் அன்னையாக வழிபடுவது மரபு. இலக்சுமீகரம் நம் வாழ்வில் நிறைவதற்கான வழிபாடுகளாக அடுத்து வரும் நாட்கள் அமைகின்றன.

ஆண்டுதோறும் நவராத்திரி வருகிறது. வீடுகளில் கொலு அலங்கரிக்கப்படுகிறது; ஆலயங்களில் அம்மனுக்கு அபிஷேகங்களும் அலங்காரங்களும் நடைபெறுகின்றன; பக்திப் பாடல்கள் காற்றில் கலக்கின்றன; மாலைகள் மணக்கின்றன; விளக்குகள் ஒளிர்கின்றன. பெண்கள் மங்கலப் பொருட்களைப் பரிமாறிக்கொள்கிறார்கள்; குழந்தைகள் கொலுப்படிகளில் அணிவகுத்திருக்கும் பொம்மைகளை வியப்புடன் ரசிக்கிறார்கள். ஒன்பது இரவுகளும் பத்தாம் நாளின் வெற்றிக் கொண்டாட்டத்தை நோக்கி நகர்கின்றன.