விளையாட்டு மைதானத்தின் விட்டம் கொண்ட விண்கல் பூமிக்கு அருகே இவ்வருடம் கடக்கும்! : நாசா மற்றும் ESA

பூமிக்கு அருகே 4.2 மில்லியன் மைல் தூரத்தில் கடக்கவுள்ள இந்த விண்கல்லானது 2006 QV89 எனப் பெயரிடப் பட்டுள்ளது. இதன் விட்டம் 164 அடியாகும். இந்த விண்கல் பூமிக்கு மிக அருகே இவ்வருடம் செப்டம்பர் 9 ஆம் திகதி வருகின்றது.

ஐரோப்பிய விண்வெளி ஆய்வு மையத்தின் ஆபத்தான விண்கற்கள் பட்டியலில் இதற்கு 4 ஆவது இடம் அளிக்கப் பட்டுள்ளது. 2006 ஆகஸ்ட் 29 ஆம் திகதி இந்த விண்கல் முதன் முறை அவதானிக்கப் பட்டது. 2013 ஆமாண்டு பெப்ரவரி 15 ஆம் திகதி ரஷ்யாவின் செலியாபின்ஸ்க் பகுதியில் சக்தி வாய்ந்த விண்கல் ஒன்று விழுந்து ஏற்படுத்திய சேதாரத்தில் 7200 கட்டடங்கள் சேதமடைந்தும் 1500 பேர் காயமடைந்தும் இருந்தனர் என்பது குறிப்பிடத்தக்கது.