சுந்தர்.சி இயக்கியத்தில் ஜீவா- மிர்ச்சி நடித்த ‘கலகலப்பு’ திரைப்படம் பிளாக் பஸ்டர் வெற்றியைப் பெற்றது.
இந்த கூட்டணி தற்போது ‘கோல்மால்’ என்ற புதிய தமிழ்ப் படத்தில் இணைந்துள்ளது. ‘மிருகா' படத்தை தயாரித்த ஜாகுவார் ஸ்டுடியோசின் பி வினோத் ஜெயின் தயாரிக்கவுள்ள 'கோல்மால்’ என்ற இந்த படத்தை இயக்குநர்கள் கே பாக்யராஜ், கே எஸ் ரவிகுமாரிடம் உதவி இயக்குநராக பணியாற்றி பின்பு கன்னடத்தில் பல வெற்றி படங்களை இயக்கியுள்ள பொன்குமரன் இயக்குகிறார் “முழுநீள நகைச்சுவையுடன் கூடிய குடும்ப பொழுதுபோக்கு படமாக கோல்மால் இருக்கும், இப்படம் அனைவரையும் மகிழ்விக்கும், ரசிகர்களை அவர்களது குடும்பத்துடன் திரையரங்கிற்கு வரவழைக்கும்,” என்று பொன்குமரன் இன்று சென்னையில் நடந்த படத் தொடக்கவிழாவில் தெரிவித்தார்.
“ஜீவாவும் சிவாவும் நல்ல நகைச்சுவை உணர்வு கொண்டவர்கள். அவர்கள் கூட்டணி அமைக்கும்பொழுது அது இன்னும் சிறப்பாக இருக்கும். பாயல் ராஜ்புத் மற்றும் தான்யா ஹோப் கதாநாயகிகளாக நடிக்கின்றனர். முரளி சர்மா, யோகி பாபு, சோனியா அகர்வால், மனோபாலா, கருணாகரன், ரமேஷ் கண்ணா, நரேன், ஜார்ஜ் மரியான், சஞ்சனா சிங், மொட்டை ராஜேந்திரன், பஞ்சு சுப்பு, சாது கோகிலா, விபின் சித்தார்த் மற்றும் கே எஸ் ஜி வெங்கடேஷ் உள்ளிட்ட பல பிரபல நட்சத்திரங்கள் இந்தப் படத்தில் நடிக்கவுள்ளனர்,” என்று அவர் தெரிவித்தார். அதிக பொருட்செலவில் மொரிஷியஸில் தீவு தேசத்தில் 'கோல்மால்' முழு படமும் படமாக்கப்பட இருக்கிறது. நவம்பரில் படப்பிடிப்பு தொடங்கி டிசம்பர் மாதம் நிறைவடையும். 2022-ம் ஆண்டின் முதல் பாதியில் படம் வெளியிட படக்குழு திட்டமிட்டுள்ளது.
