‛பிசாசு-2' ரிலீஸ் தேதி அறிவிப்பு

‛பிசாசு' படத்திற்கு கிடைத்த வரவேற்பை தொடர்ந்து மிஷ்கின் இயக்கத்தில் ஆண்ட்ரியா நடித்துள்ள படம் ‛பிசாசு-2'. பூர்ணாவும் முக்கிய வேடத்தில் நடித்துள்ளார். விஜய் சேதுபதி சிறப்பு தோற்றத்தில் நடித்துள்ளார். கார்த்திக் ராஜா இசையமைத்துள்ளார்.

முதல்பாகத்தை போன்று இந்த படமும் திரில்லர் பாணியில் தயாராகி உள்ளது.
இந்நிலையில், பிசாசு-2 திரைப்படம் வரும் ஆகஸ்ட் மாதம் 31 ஆம் நாள், விநாயகர் சதுர்த்தியை முன்னிட்டு தமிழ், தெலுங்கு, கன்னடம்,மலையாளம் உள்ளிட்ட 4 மொழிகளில் ரிலீசாக உள்ளது. இதனை புதிய போஸ்டரை வெளியிட்டு படக்குழு அறிவித்துள்ளது. இந்த போஸ்டரில் சிவப்பு நிற உடையில் ஆண்ட்ரியா காட்சியளிக்கிறார். இந்த படத்தின் தெலுங்கு பதிப்புக்கு முதல் முறையாக நடிகை ஆண்ட்ரியா சொந்த குரலில் டப்பிங் பேசியுள்ளார்.

மேலும், பிசாசு-2 படத்தில் ஆண்ட்ரியா நிர்வாணமாக சில காட்சிகளில் நடித்து இருக்கிறார். இந்த படம் நிச்சயம் வெற்றி பெரும், மேலும் இப்படத்தில் நடித்ததற்காக ஆண்ட்ரியாவுக்கு தேசிய விருதும் கிடைக்கும் என்று மிஷ்கின் கூறியிருந்தார்.இதனால், இந்த படத்தைக்காண ரசிகர்களுக்கு எதிர்பார்ப்பு அதிகரித்துள்ளது.