தொழில்நுட்ப முன்னேற்றம் காரணமாக திரைப்படம் எனும் கலை வடிவம் வளர்ச்சி அடையத்துவங்கிய அதே காலகட்டத்தில், இன்னொரு கிளையாக
தொலைக்காட்சி நுட்பமும் வளரத்துவங்கியது.

ஸ்டிரீமிங் நுட்பம் தோன்றி வளர்ந்த பயணத்தில், இசையின் ஆதிகால பங்களிப்பை பார்த்தோம். இனி, திரைப்படம் ஸ்டிரீமிங் பாதையில் எப்படி இணைந்தது என பார்க்கலாம். இந்த பயணத்தையும் சினிமாவின் வரலாற்றுடன் தான் துவக்க வேண்டும்.

தொலைபேசி மூலம் நேரடி இசையை வழங்கும் முயற்சியே ஸ்டிரீமிங் சேவைக்கான மூல விதை என பார்த்தோம். பத்தொன்பதாம் நூற்றாண்டின் இறுதியில் இது நிகழ்ந்து விட்டாலும், ஸ்டிரீமிங் என்பது தனது காலத்தை முந்தைய சேவையாக இருந்தது. எனவே தான் நாமறிந்த வகையில், ஸ்டிரீமிங்கை அறிமுகம் செய்து கொள்ள ஒரு நூற்றாண்டுக்கு மேல் காத்திருக்க வேண்டியிருந்தது.