இலங்கைக்கு அருகில் நிலவும் வளிமண்டலக் குழப்பநிலை, அடுத்த 24 மணி நேரத்திற்குள் தாழழுத்தப் பகுதியாக மாறக்கூடும் என்பதால், வரும் நாட்களில் இலங்கையில் மழைவீழ்ச்சி அதிகரிக்கும் என்று வளிமண்டலவியல் திணைக்களம் தெரிவித்துள்ளது.
இதன் விளைவாக, நாட்டின் பெரும்பாலான பகுதிகளில் அவ்வப்போது மழையோ அல்லது இடியுடன் கூடிய மழையோ பெய்யக்கூடும் என்றும், பல பகுதிகளில் வானம் மேகமூட்டத்துடன் காணப்படும் என்றும் எதிர்பார்க்கப்படுகிறது.
மேல், சபரகமுவ, மத்திய, வடமேல், வடக்கு மற்றும் தென் மாகாணங்களிலும், அனுராதபுரம் மாவட்டத்திலும் சில இடங்களில் 100 மில்லிமீட்டருக்கும் அதிகமான பலத்த மழை பெய்யக்கூடும்.
இடியுடன் கூடிய மழையின் போது தற்காலிகமாக வீசக்கூடிய பலத்த காற்று மற்றும் மின்னல் தாக்கங்களால் ஏற்படக்கூடிய பாதிப்புகளைத் தவிர்க்க, பொதுமக்கள் தேவையான முன்னெச்சரிக்கை நடவடிக்கைகளை மேற்கொள்ளுமாறு அறிவுறுத்தப்படுகிறார்கள்.
மத்திய மற்றும் ஊவா மாகாணங்களின் சில பகுதிகளில் அதிகாலை வேளையில் பனிமூட்டமான சூழல் நிலவக்கூடும்.
மேலும், இந்த வளிமண்டல அமைப்பின் மாற்றங்களைக் கருத்தில் கொண்டு, பொதுமக்கள் மற்றும் கடற்படை, மீனவ சமூகத்தினர் மிகுந்த அவதானத்துடன் இருக்குமாறும், அவ்வப்போது வெளியிடப்படும் வானிலை முன்னறிவிப்புகள் மற்றும் ஆலோசனைகளைப் பின்பற்றுமாறும் வளிமண்டலவியல் திணைக்களம் கேட்டுக்கொண்டுள்ளது.