பாராளுமன்ற உறுப்பினர்களில் 146 பேர் மாத்திரமே தடுப்பூசி செலுத்தியுள்ளனர்!

ஊடகவியலாளர் ஒருவர் எழுப்பிய கேள்விக்கு (ஓகஸ்ட் 12ஆம் திகதி) தகவல் அறியும் உரிமைச் சட்டத்தின் ஊடாக வழங்கப்பட்டுள்ள பதிலேயேலே மேற்கண்ட தகவல் வெளியாகியுள்ளது.

பாராளுமன்ற உறுப்பினர்களுக்கு தடுப்பூசி செலுத்தும் செயற்திட்டம் பெப்ரவரி 16ஆம் திகதி தொடங்கியது. எனினும், தற்போதுவரை 146 பேர் மட்டுமே கொரோனாவுக்கு எதிரான தடுப்பூசிகளைப் பெற்றுள்ளனர்.

அதன்படி, 122 பாராளுமன்ற உறுப்பினர்கள் அஸ்ட்ராசெனகா தடுப்பூசிகளைப் பெற்றுள்ள அதேநேரத்தில், 24 பாராளுமன்ற உறுப்பினர்கள் ஸ்புட்னிக் வீ தடுப்பூசிகளைப் பெற்றுள்ளனர்.

எவ்வாறிருப்பினும் கொரோனா தடுப்பூசிகளை இதுவரை பெற்றுக்கொள்ளாதவர்களின் விபரங்கள் தங்களிடம் இல்லை என பாராளுமன்ற அலுவலகம் வழங்கிய பதிலில் தெரிவிக்கப்பட்டுள்ளது.