இலங்கையின் பொருளாதார நெருக்கடியால் 108 பயணங்களை 52 ஆக விமான சேவை நிறுவனங்கள் குறைத்துள்ளன.
எரிபொருளை நிரப்பும் வசதிகள் இல்லாமை மற்றும் வருமானம் ஈட்டும் பிரச்சினை போன்ற இலங்கையின் பொருளாதார நெருக்கடியால் ஏற்பட்டுள்ள சிக்கல்கள் காரணமாக ஐந்து வெளிநாட்டு விமான சேவை நிறுவனங்கள் இலங்கைக்கான பயணங்களை குறைத்துள்ளன.
108 தடவைகள் இலங்கைக்கு வந்து செல்லும் பயணங்களை இந்த விமான சேவை நிறுவனங்கள் 52 ஆக குறைத்துள்ளன. மேலும் இரண்டு விமான நிறுவனங்கள் இலங்கைக்கான சேவைகளை முற்றாக நிறுத்தியுள்ளன.
எமிரேட்ஸ், கத்தார் எயார்வேஸ், எடிஹெட், ஓமான் மற்றும் எயார் இந்தியா ஆகிய விமான சேவை நிறுவனங்கள் தமது பயணங்களை குறைத்துக்கொண்டுள்ளன. சவுதி எயார் மற்றும் குவைத் எயார்வேஸ் நிறுவனங்கள் இலங்கைக்கான சேவைகளை நிறுத்தியுள்ளன.
