முன்னாள் ஜனாதிபதி மஹிந்த ராஜபக்ஷவுக்கு ஒதுக்கப்பட்ட வாகனங்களை மீள அழைக்கும் தீர்மானத்திற்கு பதிலளிக்கும் வகையில், முன்னாள் ஜனாதிபதிக்கு 6 வாகனங்கள் மாத்திரம் வழங்கப்பட்டுள்ளதாகவும், அம்புலன்ஸ் உட்பட மூன்றை ஜனாதிபதி செயலகத்திற்கு அக்டோபர் 21 அன்று திருப்பி அனுப்ப நடவடிக்கை எடுக்கப்பட்டுள்ளதாகவும் அவரது ஊடகப் பிரிவு தெரிவித்துள்ளது. .
இலங்கையின் ஐந்தாவது நிறைவேற்று அதிகாரம் கொண்ட ஜனாதிபதியாக கடமையாற்றிய மஹிந்த ராஜபக்ஷ, உளவுத்துறை அதிகாரிகளின் மதிப்பீட்டின் அடிப்படையில் மிகவும் அச்சுறுத்தலுக்கு உள்ளான முன்னாள் தலைவர் எனவும், அவரின் பாதுகாப்புக்காக இந்த வாகனங்கள் பயன்படுத்தப்பட்டதாகவும் ஊடகப் பிரிவு தெரிவித்துள்ளது.
