அண்மைய புலனாய்வு அறிக்கைகளுக்கு பதிலளிக்கும் வகையில் அரசாங்கம் தேவையான அனைத்து நடவடிக்கைகளையும் எடுத்துள்ளதாகவும் அனைத்து பிரஜைகளின் பாதுகாப்பை உறுதிப்படுத்துவதாகவும் ஜனாதிபதி அனுரகுமார திஸாநாயக்க தெரிவித்துள்ளார்.
புத்தளத்தில் நேற்று (24) இடம்பெற்ற மக்கள் சந்திப்பில் கலந்து கொண்டு உரையாற்றும் போதே ஜனாதிபதி இதனைத் தெரிவித்தார்.
“எங்கள் குடிமக்களின் பாதுகாப்பை உறுதி செய்வது எங்கள் பொறுப்பு. பல்வேறு பகுதிகளில் பாதுகாப்பை பலப்படுத்தியுள்ளோம். அது மாத்திரமன்றி புலனாய்வுப் பிரிவினர் இந்தத் தகவலின் பேரில் துரிதமாகச் செயற்பட்டு, சந்தேகத்தின் பேரில் சிலரைக் கைது செய்யவும் நடவடிக்கை எடுத்துள்ளோம். இன்று, இலங்கையின் அனைத்து பிரஜைகளின் பாதுகாப்பையும் பாதுகாப்பையும் உறுதி செய்துள்ளோம் என்பதை நான் உறுதியளிக்க விரும்புகின்றேன்” என்று அவர் கூறினார்.
