வாகன இறக்குமதிக்கு விதிக்கப்பட்டுள்ள கட்டுப்பாடுகளை நிபந்தனைகளுக்கு உட்பட்டு நீக்குவது குறித்து இலங்கை அரசாங்கம் பரிசீலித்து வருவதாக தெரிவிக்கப்பட்டுள்ளது.
இது தொடர்பில் ஜனாதிபதி ரணில் விக்கிரமசிங்கவினால் நியமிக்கப்பட்ட குழுவின் பரிந்துரைகளும் பரிசீலிக்கப்படும் என நிதி அமைச்சின் சிரேஷ்ட பேச்சாளர் மேலும் தெரிவித்தார்.
வாகன இறக்குமதிக்கு விதிக்கப்பட்டுள்ள கட்டுப்பாடுகள் தொடர்பிலான கலந்துரையாடல்கள் இடம்பெற்று வருவதாக நிதி இராஜாங்க அமைச்சர் ஷெஹான் சேமசிங்க அண்மையில் தெரிவித்திருந்த நிலையிலேயே இந்த நடவடிக்கை எடுக்கப்பட்டுள்ளது.
வாகனங்களை இறக்குமதி செய்வதற்கு விதிக்கப்பட்டிருந்த தடைகள் படிப்படியாக தளர்த்தப்படும் என நிதி இராஜாங்க அமைச்சர் ரஞ்சித் சியம்பலாபிட்டிய இந்த மாத தொடக்கத்தில் அறிவித்திருந்தார்.
பல்வேறு துறைகளின் தேவைகளின் அடிப்படையில் வாகன இறக்குமதி தடையை கட்டம் கட்டமாக தளர்த்த அரசாங்கம் நடவடிக்கை எடுத்துள்ளதாக இராஜாங்க அமைச்சர் சியம்பலாபிட்டிய ஊடகங்களுக்கு தெரிவித்தார்.
2021/2022 இல் கொரோனா வைரஸ் தொற்றுநோயின் தாக்கங்களைத் தொடர்ந்து வாகன இறக்குமதிக்கு இலங்கை தடை விதித்தது மற்றும் தேசம் எதிர்கொண்ட பொருளாதார நெருக்கடி காரணமாக இந்த முடிவைத் தொடர்ந்தது.
எவ்வாறாயினும், சுகாதாரம் மற்றும் சுற்றுலா போன்ற பல்வேறு துறைகளின் தேவைகளின் அடிப்படையில் நிபந்தனைகளுக்கு உட்பட்டு 2023 முதல் வாகன இறக்குமதிக்கு கட்டம் கட்டமாக விதிவிலக்குகளை வழங்க அரசாங்கம் தொடங்கியது.
